அமெரிக்காவில் விழுந்து நொறுங்கிய குட்டி விமானம் – 4 பேர் பரிதாப பலி!

Published: Friday, October 31, 2014, 14:15 [IST]

Subscribe to Oneindia Tamil

வாஷிங்டன்: அமெரிக்காவின் கான்சாஸ் பகுதியில் குட்டி விமானம் ஒன்று விழுந்து நொறுங்கியதில் 4 பேர் பரிதாபமாக உயிரிழந்தனர். இச்சம்பவம் அங்கு பெரும் பரபரப்பை ஏற்படுத்தியுள்ளது.

அமெரிக்காவில் கான்சாஸ் பகுதியில் விசிதா என்ற இடத்தில் விமான நிலையம் ஒன்று உள்ளது.

நேற்று காலை 9.50 மணியளவில் அங்கு ஒரு குட்டி விமானம் ஓடுதளத்தில் தரை இறங்கியது.

மோதி நொறுங்கிய விமானம்:

அப்போது விமானத்தில் திடீரென கோளாறு ஏற்பட்டது. அதை தொடர்ந்து விமான நிலையத்தில் உள்ள ஒரு கட்டிடத்தின் மீது மோதி நொறுங்கியது.

தரைமட்டமாகிய கட்டிடம்:

இதனால் அக்கட்டிடம் இடிந்து தரை மட்டமாகியது. அங்கு பந்து போன்று தீப்பிழம்பு ஏற்பட்டு கரும்புகை வானில் எழுந்தது. உடனே மீட்பு படையினரும், தீயணைப்பு வீரர்களும் அங்கு விரைந்து சென்றனர்.

நான்கு பேர் பலி:

இந்த விபத்தில் 4 பேர் பலியாகினர். அவர்களில் 3 பேர் கட்டிடம் இடிந்ததில் பலியானவர்கள். ஒருவர் விமானி எனக் கருதப்படுகிறது.

மருத்துவமனையில் சிகிச்சை:

இந்த விபத்தில் மேலும் 5 பேர் காயம் அடைந்தனர். அவர்கள் படுகாயத்துடன் மீட்கப்பட்டு மருத்துவமனையில் சிகிச்சை பெற்று வருகின்றனர். இந்த விபத்து குறித்து தீவிர விசாரணை நடைபெற்று வருகிறது.

Published On October 31, 2014