வனுவாட்டு தீவில் சக்திவாய்ந்த நிலநடுக்கம்: ரிக்டரில் 6.2 ஆக பதிவு

சிட்னி: தென் பசிபிக் பிரதேசத்தின் வனுவாட்டு தீவில் சக்தி வாய்ந்த நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 6.2 ஆக பதிவாகியுள்ளதாக அமெரிக்க புவியியல் மையம் தெரிவித்துள்ளது.

ஆஸ்திரேலியாவின் கிழக்குக் கடலோரப் பகுதியில் ஏராளமான தீவுக்கூட்டங்கள் உள்ளன. இதில் ஒன்றான வனுவாட்டு தீவில், சக்திவாய்ந்த நிலநடுக்கம் இன்று உணரப்பட்டது. ரிக்டர் அளவுகோலில் 6.2 என பதிவானதாக அமெரிக்க புவியியல் மையம் தெரிவித்துள்ளது.

இந்த நிலநடுக்கம் காரணமாக, சுனாமி ஏற்படலாம் என எச்சரிக்கை விடப்பட்டது. எனினும், வேறு எந்த பாதிப்பும் ஏற்படவில்லை என தகவல்கள் தெரிவிக்கின்றன.

நிலநடுக்கத்தின் காரணமாக ஏற்பட்ட பொருட்சேதம் மற்றும் உயிர்ச்சேதம் பற்றிய உடனடி தகவல்கள் இன்னும் வெளியாகவில்லை.

English summary

A 6.2 magnitude earthquake hit the South Pacific island of Vanuatu