நீங்களும் வாங்கலாம் ஒரு சிட்டி.. அமெரிக்காவில் விற்பனைக்கு வரும் குட்டி நகரம்

வாஷிங்டன்: அமெரிக்காவில் ஒரு நகரம் விற்பனைக்கு வந்துள்ளது. உங்களில் யாருக்காவது 8 மில்லியன் அமெரிக்க டாலர் கொடுத்து நகரத்தை வாங்க விரும்பினால் வாங்கலாம்.

அமெரிக்காவில் தெற்கு லாஸ்வேகாஸ் அருகே, கல்-நெவ்-அரி என்ற சிறிய நகரம் உள்ளது. இந்த நகரத்தின் 'முதலாளி', 78 வயதாகும் நான்சி கிட்வேல் எனும் பெண்மணியாகும்.

50 வருடங்கள் முன்பு நான்சி தனது முதல் கணவரோடு சேர்ந்து இந்த நகரத்தை வாங்கியுள்ளனர். நகரின் மொத்த பரப்பு சுமார் 500 ஏக்கர்.

இந்த நகரத்தில் மொத்தம் 375 பேர் மட்டுமே வசிக்கின்றனர். இங்கு ஹோட்டல், கேசினோ, ஜெனரல் ஸ்டோர், லாண்டரி, பார், ரெஸ்டாரென்ட் உள்ளிட்ட வசதிகள் உள்ளன.

தற்போது, இந்த நகரத்தை விற்க நான்சி முன்வந்துள்ளார். இந்த நகரத்துக்கு விலை 8 மில்லியன் அமெரிக்க டாலர் என நிர்ணயம் செய்துள்ளார். எனவே உங்களில் யாருக்காவது விருப்பம் இருந்தால் அந்த நகரத்தை வாங்கிப்போடலாம்.

இதேபோல், ஆஸ்திரேலிய நாட்டின் தராலியா எனும் நகரமும் 11 மில்லியன் அமெரிக்க டாலர்களுக்கு விற்பனைக்கு உள்ளது என்பது குறிப்பிடத்தக்கது.

English summary

A small American town has gone on the market with an asking price of $ 8 million.