ஹெச்.எம்னா குச்சியை வச்சு மிரட்டிட்டே இருக்கணுமா என்ன.. இந்த தலைமை ஆசிரியர் வேற லெவல்!
மாணவர்களுக்கு உற்சாகம் அளிக்க பள்ளி முதல்வர் ஆடும் டான்ஸ் வீடியோ வைரலாகிறது.
பெய்ஜிங்: ஸ்கூல் ஹெட் மாஸ்டர் என்றால் கையில் குச்சி வச்சிக்கிட்டு மிரட்டிக்கிட்டே இருக்கணுமா என்ன? இப்படிகூட இருக்கலாம் என்று பாட்டு பாடி டான்ஸ் ஆடி காட்டுகிறார் ஒரு தலைமை ஆசிரியர்.
இணையத்தில் வீடியோ ஒன்று செம வேகமாக வைரலாகி கொண்டிருக்கிறது. அது ஒரு பள்ளியில் எடுக்கப்பட்ட வீடியோ.
சீனாவின் வடக்கு பகுதியில் உள்ள லின்யி மாகாணத்தில் ஸி குவான் என்ற பள்ளியில் எடுக்கப்பட்டது. இந்த பள்ளி ஒரு தொடக்கப்பள்ளி முழுசும் சிறுவர், சிறுமியர்கள் உள்ளனர்.
உற்சாகம்
இந்த பள்ளியின் தலைமை ஆசிரியர் சாங் பெங்ஃபீ ஆகும். இவருக்கு 40 வயதாகிறது. இவரது வேலை பள்ளிக்கு வரும் மாணவ, மாணவிகளை பூஸ்ட் செய்வதுதான். அதாவது சுறுசுறுப்பாகவும், உற்சாகமாகவும் இருக்க வைப்பதுதான். அதற்காக இவர் தன் பள்ளி மாணவர்களுக்கு டான்ஸ் கற்று கொடுக்கிறார்.
மாணவர்கள் நடனம்
நம்ம ஊரில் காலையில் தமிழ்தாய் வாழ்த்து மாதிரி, இவர் இப்படி ஒரு விஷயத்தை கையில் எடுத்து உள்ளார். மாணவர்களை பல வரிசைகளில் நிற்க வைத்து எல்லாருக்கும் முன்னாடி போய் தான் நின்று கொண்டு ஆடுகிறார். இவர் ஆடுவதை பார்த்து மற்ற மாணவர்களும் ஆடுகிறார்கள்.
டான்ஸ் மாஸ்டர்
ஹெச்.எம். கையில் ஒரு மைக்கையும் பிடித்து கொண்டே ஆடுகிறார். அதில் அடிக்கடி டான்ஸ் ஸ்டெப்களை சொல்கிறார். சில சமயம் பாடுகிறார்... மாணவர்களைவிட ஹெச்.எம். படு சுறுசுறுப்பாக டான்ஸ் ஆடுகிறார். கூடவே ஸ்கூல் டீச்சர்களும் ஆடுகிறார்கள். ஆனால் இதையெல்லாம் பார்க்கும்போது பள்ளி தலைமை ஆசிரியர் என்ற விஷயமே மறந்துபோய் டான்ஸ் மாஸ்டர் போல தெரிகிறார்.
குவிகிறது பாராட்டு
மாணவர்களும் கால்களை, கைகளை நீட்டியும் நகர்த்தியும் ஆடுகிறார்கள். மாணவர்களுக்கு தவிர, இந்த டான்சை பார்ப்பவர்களுக்கும் சுறுசுறுப்பு வந்துவிடுகிறது. இந்த வீடியோ வைரலாகி வருவதுடன், இந்த டான்ஸ் மாஸ்டருக்கு ஸாரி... ஹெட் மாஸ்டருக்கு பாராட்டுக்கள் குவிந்த வண்ணம் உள்ளது.
Click it and Unblock the Notifications
Sign in with Google