‘ராஜா வீட்டுக் கன்னுக்குட்டியாக’ வாழ ஆசைப்பட்ட இளைஞர்... என்ன செய்தார் தெரியுமா?
நியூயார்க்: ஓவ்வொருத்தருக்கும் ஒரு பீலிங். அந்தவகையில், இளவரசராக வாழ ஆசை ஏற்பட்ட அமெரிக்க இளைஞர் ஒருவர், தனது முயற்சிகளை வீடியோவாக தொகுத்து வெளியிட்டுள்ளார்.
இங்கிலாந்தின் 49-வது சிறந்த உடையணியும் ஆணாக இரண்டு வயதாகும் இளவரசர் ஜார்ஜை, பிரிட்டனின் ஜி.க்யு. பத்திரிகை சமீபத்தில் பாராட்டியுள்ளது. ஜார்ஜ் அணிந்த உடைகளும், ஷூக்களும் உலகின் பல மூலைகளிலும் டிரெண்ட் ஆகியுள்ளது.
இதனால் பெரிதும் கவரப்பட்ட மேக்ஸ் க்னோப்லாச் (23) என்ற பத்திரிகையாளருக்கு, ‘தானும் இளவரசராக இருந்தால் எப்படி இருக்கும்?' என்ற ஆசை உண்டானது.
இளவரசர் ஆசை...
அதனைத் தொடர்ந்து, தனது ஆசையை தானே நிறைவேற்றிக் கொள்ள முடிவு செய்தார் ராஜ வம்சத்தில் பிறக்காத மேக்ஸ். இதற்காக அவர் தேர்வு செய்தது உடைகளைத் தான்.
உடைகள்...
இணையத்தின் உதவி கொண்டு இளவரசர் ஜார்ஜ் அணிந்த உடைகளிலேயே சிறப்பான உடைகள் சிலவற்றை அவர் தேர்வு செய்தார். அதே போன்ற உடைகள் தனது சைஸிற்கு கிடைக்காததால், அவற்றைத் தானே உருவாக்கினார் மேக்ஸ்.
நகர உலா...
பின்னர், அந்த உடைகளை தினம் ஒன்றாக அணிந்து நியூயார்க் நகர சாலைகளில் அவர் வலம் வந்தார். யாராவது தன்னை அடையாளம் கண்டு, ஜார்ஜ் போல் உடையணிந்து உள்ளீர்கள் என கேள்வி கேட்பார்கள் என்ற ஆர்வத்தில் அவர் மக்கள் நடமாட்டம் உள்ள இடங்களில் சுற்றி வந்தார்.
சூடா இல்லை...
ஆனால், யாரும் அவரைக் கண்டு கொள்ளவில்லை. இளவரசர் ஜார்ஜின் தங்கை பிறந்தபோது அவர் அணிந்திருந்த நீல ஸ்வெட்டரை அணிந்து, 91 டிகிரி வெயிலில் நின்றிருந்த போது மட்டும், அந்த வழியே சென்றவர் ‘சூடாக இல்லை?' எனக் கேட்டுச் சென்றாராம்.
ஜாலி...
முடிந்தவரை இளவரசர் ஜார்ஜ் போலவே உடையணிந்து ஒரு வாரகாலம் இருந்துள்ளார் மேக்ஸ். தனது முயற்சியை மக்கள் கண்டு கொள்ளவில்லை என்ற போதும், ‘இளவரசனைப் போல எல்லோரும் வாழ முயற்சித்துப் பார்க்க வேண்டும், இது ஜாலியாகத்தான் இருக்கிறது' எனத் தெரிவித்துள்ளார் மேக்ஸ்.
வீடியோ...
இளவரசராக வாழும் தனது முயற்சிகளைப் பதிவு செய்து, அதனைத் தொகுத்து வீடியோவாக வெளியிட்டுள்ளார் மேக்ஸ். சில இடங்களில் இளவரசர் ஜார்ஜைப் போலவே ஆக்ஷனும் செய்துள்ளார் இவர்.
Click it and Unblock the Notifications
Sign in with Google