குடும்பத்தகராறில் விபரீதம்... மனைவியைச் சுட்டுக் கொன்ற பிரபல நடிகர் கைது
தி ஷில்டு,ஸ்டேட் ஆப் பிளே, சவுத் லேண்ட் , பாரஸ்ட் கேம்ப் உள்பட பல படங்களில் நடித்தவர் அமெரிக்க நடிகர் மைக்கேல் ஜேஸ் (48). இவரது இரண்டாவது மனைவி ஏப்ரல் ஜேஸ்(40), பைலோ பல்கலைகழகத்தில் பணி புரிந்து வருகிறார். இவர்களுக்கு 2 குழந்தைகள் உள்ளனர்.
மைக்கேல் ஜேஸ் தனது குடும்பத்துடன் லாஸ் ஏஞ்சல்ஸ் நகரில் ஹடு பார்க் பகுதியில் வசித்து வந்துள்ளார். சம்பவத்தன்று மைக்கேல் ஜேஸ்சுக்கும், அவரது மனைவிக்கும் சண்டை ஏற்பட்டுள்ளது.
இதில், ஆத்திரமடைந்த மைக்கேல் தனது துப்பாக்கியால் மனைவியை சுட்டுள்ளார். இதில் சம்பவ இடத்திலேயே அவர் பரிதாபமாக உயிரிழந்தார்.
தகவலறிந்து விரைந்து வந்த போலீசார் மைக்கேல் ஜேஸ்சை கைது செய்தனர். பின்னர் ஜாமீனில் அவர் விடுவிக்கப் பட்டார்.
கடந்த சிலவருடங்களுக்கு முன் தான் தனது முந்தைய மனைவி ஜெனிபர் பிட்டர் மேனை மைக்கேல் ஜேஸ் விவாகாரத்து செய்தார் எனபது குறிப்பிடதக்கது.
Click it and Unblock the Notifications
Sign in with Google