ஒபாமாவுக்கு விஷம் தடவிய கடிதம் அனுப்பிய நடிகைக்கு 18 ஆண்டு சிறை!

வாஷிங்டன்: அமெரிக்க அதிபர் ஒபாமாவுக்கு விஷம் தடவிய கடிதம் அனுப்பிய நடிகைக்கு 18 ஆண்டு சிறைத்தண்டனை விதித்து அந்நாட்டு நீதிமன்றம் தீர்ப்பளித்துள்ளது.

அமெரிக்காவில் டெக்சாஸ் மாகாணத்தில் உள்ள புதுபாஸ்டன் நகரில் வசித்து வரும் நடிகை ஷனான் கெஸ் ரிச்சர்டுசன், வயது36. இவர் டி.வி. தொடர்களில் நடித்துள்ளார்.

அமெரிக்க அதிபர் ஒபாமா, நியூயார்க்கில் மேயராக இருந்த மைக்கேல் புளூம்பெர்க் ஆகியோருக்கு ரிசின் என்ற கொடிய விஷத்தை தடவி கடந்த ஆண்டு மே மாதம் கடிதம் அனுப்பியதாக ஷனான் கெஸ் மீது குற்றச்சாட்டு எழுந்தது.

டெக்சாஸ் கிழக்கு மாவட்ட நீதிமன்றத்தில் நடந்து வந்த இந்த வழக்கு விசாரணையின்போது, விஷத்தை வைத்ததாக நடிகை ஒப்புக்கொண்டார். ஆனால் விஷம் தடவிய கடிதங்களை தான் அனுப்பவில்லை என்றும் அவற்றை தனது முன்னாள் கணவர்தான் அனுப்பினார் என்றும் வாதிட்டார். பின்னர், அது பொய் என தெரியவந்தது.

இந்நிலையில், இந்த வழக்கில் தீர்ப்பளித்த டெக்காஸ் நீதிமன்றம், நடிகை ஷனானுக்கு 18 ஆண்டு சிறைத்தண்டனை விதித்து தீர்ப்பளித்ததோடு, 3.67 லட்சம் டாலர் அபராதமும் விதித்துள்ளது.

English summary

The bizarre case involving a Texas actress, three ricin-laced letters and President Barack Obama has come to an end. Shannon Guess Richardson, a 35-year-old woman from New Boston, Texas, near Texarkana, was sentenced to 18 years in federal prison on July 16.