மாண்புமிகு அரசியல்வாதிகளின் கவனத்திற்கு….

Updated: Tuesday, March 4, 2014, 18:36 [IST]

Subscribe to Oneindia Tamil

ஈரான்: அரசியல்வாதிகளில் பலர் சொகுசு கார், மக்களின் பணத்தில் வசதிகள் என வாழ்ந்துவரும் இக்காலக்கட்டத்தில் எளிமையின் அடையாளமாய் திகழ்கிறார் ஈரான் முன்னாள் அதிபர் அஹமதி நிஜாத்.

அஹமதியின் வருமானம் வருடத்திற்கு 1200 டாலர் மட்டும்தான். இது ஒரு வளர்ச்சியடைந்த நாட்டு தனிநபருடைய வருமானத்தை காட்டிலும் குறைவானது.

அஹமதி இன்னும் தன்னுடைய தந்தையார் கட்டிய 40 வருடங்கள் பழமையான பூர்வீக வீட்டில்தான் தங்கி இருக்கிறார்.

மனைவியின் சமையலே ருசி:

தனது அன்பு மனைவியின் கையால் சமைக்கப்பட்ட உணவையே தினமும் விரும்பி உண்கிறார்.

படித்த அரசியல்வாதி:

படிப்பிலும் சோடை போனவர் அல்ல அவர். டிரான்ஸ்போர்டேசன் மற்றும் பிளானிங் எஞ்சினியரிங்கில் பி.ஹெச்டி முடித்துள்ளார் இந்த எளிமையின் சின்னம்.

சுவிஸ் அக்கவுண்ட் இருப்பவர்கள் கவனிக்க:

இவரது வங்கி கணக்கில் உள்ள தொகையின் மதிப்பு வெறும் பூஜ்யம்தான். தன்னிடம் இருந்த ஒரே வாகனத்தையும் விற்று, ஈரானிய மக்களுக்காகவே செலவிட்டுவிட்டார்.

உயர்ந்த உள்ளம்:

அவர் அதிபர் ஆனதும் தனது சொந்த ஜெட் விமானம் ஒன்றையும் ஈரான் நாட்டு விமான படைக்கு அளித்துவிட்டார்.தன்னுடைய அலுவலகம் மற்றும் வீட்டில் பயன்படுத்தப்பட்ட விலை உயர்ந்த திரைச்சீலைகளை ஒரு மசூதிக்கு இலவசமாக கொடுத்துவிட்டார்.