அல்-கொய்தாவின் இந்திய கிளையால் ஆபத்து இல்லை: அமெரிக்கா

வாஷிங்டன்: அல்கொய்தா தீவிரவாத இயக்கம் இந்தியாவில் தனது கிளையை தொடங்கினாலும்கூட, அமெரிக்காவுக்கு அதனால் பாதிப்பு இல்லை என்று அந்த நாட்டின் தேசிய பாதுகாப்பு கவுன்சில் செய்தி தொடர்பாளர் கைட்லின் ஹைடன் தெரிவித்தார்.

அல் கொய்தா தீவிரவாத இயக்கத்தின் தலைவராக பதவி வகிப்பவர் அய்மான் அல் ஜவாஹிரி (வயது 63). இவர், அல் கொய்தா தீவிரவாத இயக்கத்தின், இந்திய கிளை தொடங்கப்பட்டுள்ளதாக அறிவிப்பு வீடியோ ஒன்றை வெளியிட்டுள்ளார். இந்த வீடியோவில் இந்திய துணைக்கண்டத்தில் காயிதத் அல் - ஜிஹாத் என்று அல் கொய்தா அழைக்கப்படும் என்றும் தெரிவித்து இருந்தார்.

இந் நிலையில், வெள்ளை மாளிகையின் தேசிய பாதுகாப்பு கவுன்சில் செய்தி தொடர்பாளர் கைட்லின் ஹைடன் கூறுகையில், அல்கொய்தாவின் இந்த அறிவிப்பின் மூலம் அவர்கள் புதிய சக்தியை பெற்றுள்ளதற்கான அறிகுறியாக நாங்கள் கருதவில்லை.

அந்த பகுதிகளில் அவர்கள் நீண்ட காலமாக ஆதிக்கம் செலுத்தி வருகிறார்கள். அல் கொய்தாவை அழித்துகட்டுவதில் அமெரிக்கா தொடர்ந்து உறுதியாக உள்ளது. எனவே மீண்டும் அமெரிக்க மக்களுக்கு அந்த அமைப்பு அச்சுறுத்தலாக அமையாது. இவ்வாறு அவர் தெரிவித்தார்.

English summary

The announcement by al-Qaeda that it has formed a branch for operating in India is not an indication of the terrorist outfit gaining new capabilities, the US today said, asserting that it is committed to dismantling the group.