அல்ஜீரிய ராணுவ விமானம் மலையில் மோதி 99 பேர் பலி

அர்ஜியர்ஸ்: அல்ஜீரியாவில் ராணுவ விமானம் மலையில் மோதி விபத்துக்குள்ளானதில் 99 பேர் பலியானதாக தகவல் வெளியாகியுள்ளது.

அல்ஜீரியாவின் கிழக்குப் பகுதியில் உள்ள ஆம் எல்போவாகி மாகாணத்தில் செவ்வாய்கிழமை மாலை ராணுவ விமானம் ஒன்று மலையில் மோதி வெடித்து சிதறியது.

கான்ஸ்டன்டைன்-எல் போவாகி இடையே சென்றபோது தரையில் உள்ள கட்டுப்பாட்டு நிலையத்துக்கும், விமானத்துக்குமான தொடர்பு துண்டிக்கப்பட்டது. பின்னர் சிறிது நேரத்தில் விபத்தில் சிக்கியதாக தகவல் வந்துள்ளது. இதையடுத்து சம்பவ இடத்திற்கு மீட்புக் குழுவும், ஆம்புலன்சுகளும் அனுப்பி வைக்கப்பட்டுள்ளன.

இந்த விபத்தில், விமானத்தில் பயணம் செய்த 99 பேர் பலியாகி உள்ளதாகவும், இந்த விமானத்தில் ராணுவ வீரர்களும், அவர்களின் குடும்பத்தினர்களும் பயணம் செய்ததாக தகவல் வெளியாகி உள்ளது. ஒருவர் மட்டும் உயிர் தப்பியுள்ளதாக ராணுவ அமைச்சகம் தகவல் தெரிவித்துள்ளது.

English summary

Algeria — An Algerian military transport plane slammed into a mountain Tuesday in the country’s rugged eastern region, killing 99 people and leaving just one survivor, the defense ministry said.