அமேசான் நிறுவனர் ஜெஃப் பெசோஸ் 2வது திருமணம்.. காதலியை கரம் பிடித்தார்.. செலவு மட்டும் இவ்வளவா?

Updated: Saturday, June 28, 2025, 10:47 [IST]

Subscribe to Oneindia Tamil

வெனிஸ்: அமேசான் நிறுவனர் ஜெஃப் பெசோஸ் இத்தாலியில் தனது காதலி லாரன் சான்செஸ்ஸை கரம் பிடித்தார். இவர்களின் திருமணம் இத்தாலியின் வெனி்ஸ் நகரில் பிரமாண்டமாக நடந்தது. நேற்று முன்தினம் தொடங்கிய திருமண விழா இன்றுடன் முடிவுக்கு வருகிறது. இந்த திருமணம் மொத்தம் ரூ.468 கோடி செலவு செய்யப்பட்டுள்ளதாக தகவல்கள் வெளியாகி உள்ளது.

அமேசான் நிறுவனத்தின் நிறுவனர் ஜெஃப் பெசோஸ். உலகில் உள்ள பெரும் பணக்காரர்களின் பட்டியலில் 4வது இடத்தில் உள்ளார். இவரது சொத்து மதிப்பு ரூ.18,000 கோடியாக உள்ளது. இவரது முதல் மனைவி பெயர் மெக்கன்சி ஸ்காட். இவர் நாவலாசிரியர். 1993ல் இருவரும் திருமுணம் செய்தனர்.

amazon-founder-jeff-bezos-marries-lauren-sanchez-in-italy

அதன்பிறகு கடந்த 2020ம்ஆண்டில் இருவரும் விவாகரத்து பெற்று பிரிந்தனர். இதையடுத்து செய்தி வாசிப்பாளரான லாரன் சான்சாசுக்கும், ஜெஃப் பெரேசாஸ்க்கும் பழக்கம் ஏற்பட்டது. லாரன் சான்சாஸ்க்கு வயது 55. அவர்களுக்குள் காதல் மலர்ந்தது. இருவரும் அடிக்கடி வெளியே சந்தித்து வந்தனர். சமீபத்தில் இருவரும் தங்களின் திருமணத்தை உறுதி செய்தனர்.

இதையடுத்து அவர்களின் திருமணம் இத்தாலியில் உள்ள ‛மிதக்கும் நகரம்' வெனிஸில் நடந்தது. நேற்று முன்தினம் முதல் திருமண விழா தொடங்கியது. நேற்று ஜெஃப் பெசோஸ் - லாரன் சான்சாஸ் ஆகியோர் திருமணம் செய்து கொண்டனர். திருமணத்தின்போது லாரன் சான்சாஸ் வெள்ளை கவுன் உடுத்தி இருந்தார். ஜெஃப் பெசோஸ் வழக்கம்போல் கோர்ட் - சூட் அணிந்திருந்தார்.

இந்த திருமணத்துக்கு 40 மில்லியன் முதல் 48 மில்லியன் யூரோ வரை அதாவது 56 மில்லியன் அமெரிக்க டாலர் வரை செலவு ஏற்படும் என்று கூறப்படுகிறது. அதன்படி பார்த்தால் இந்திய மதிப்பில் ரூ.468 கோடி செலவில் பிரமாண்டமாக திருமணம் நடந்துள்ளது. அமெரிக்காவில் தற்போது 2025ம் ஆண்டில் நடக்கும் திருமணங்களின் சராசரி செலவு 36 ஆயிரம் டாலராக உள்ளது. அதனை ஒப்பிடும்போது ஜெஃபெசோஸின் திருமண செலவு 1000 மடங்கு அதிகம் என்பது குறிப்பிடத்தக்கது.