கிரஃப்டஸ் நாய்கள் கண்காட்சியில் சிறந்த போட்டியாளராக அமெரிக்க காக்கர் ஸ்பானியல் தேர்வு
இங்கிலாந்தில் நடைபெற்ற கிரஃப்டஸ் நாய்கள் கண்காட்சியில் அமெரிக்கன் காக்கர் ஸ்பானியல் ரக நாய் கண்காட்சியில் சிறந்த போட்டியாளர் பரிசை தட்டிச் சென்றுள்ளது.
பிளாக்பூல் பகுதியிலிருந்து வரும் இந்த இரண்டு வயது குட்டி கடந்த சனிக்கிழமையன்று வேட்டையாடும் நாய் இனங்களுக்கு வைக்கப்பட்ட போட்டியில் பரிசை வென்றது. ஸ்பானியல் குட்டியை அதன் உரிமையாளர் ஜேசன் லின் கையாண்டார்.
அதன் தனித்துவமான நீண்ட மற்றும் மூவர்ணங்களை கொண்ட ரோமங்கள் மற்றும் அதன் நீண்ட வால் என்று தன் நாய்க்குட்டியை பற்றி புகழ்ந்து பேசினார் லின்.
இந்த கண்காட்சியில் இரண்டாம் இடத்தை ஃபிராங்கி என்ற பெயர் கொண்ட சிறிய ரக நாய் இனமான மினியேச்சர் பூடுல் பெற்றது.
இங்கிலாந்தில் நாய்களுக்காக நடந்த பிரம்மாண்ட கண்காட்சி (புகைப்படத் தொகுப்பு)
இந்தாண்டு பர்மிங்ஹாமில் உள்ள என் இ சி அரங்கத்தில் நடைபெற்ற நான்குநாள் கண்காட்சியில் 22 ஆயிரத்திற்கும் அதிகமான நாய்கள் பங்கேற்றன.
கண்காட்சியில் பெரும் எண்ணிக்கையிலான லேபரடார் வகை நாய்கள் கலந்து கொண்டன.
இந்த கண்காட்சியை காண சுமார் 1.6 லட்ச நாய் உரிமையாளர்கள் மற்றும் பிரியர்கள் கலந்து கொண்டது குறிப்பிடத்தக்கது.
Click it and Unblock the Notifications
Sign in with Google