வீட்டு விருந்தில் 3 மாணவர்களுடன் பாலியல் உறவு... அமெரிக்க ஆசிரியை கைது

Updated: Tuesday, May 13, 2014, 18:14 [IST]

Subscribe to Oneindia Tamil

வாஷிங்டன்: வீட்டில் ஏற்பாடு செய்யப்பட்ட விருந்தில் கலந்து கொண்ட 3 மாணவர்களுடன் பாலியல் உறவில் ஈடுபட்டதாக ஆசிரியை ஒருவரை அமெரிக்க போலீசார் கைது செய்துள்ளனர்.

அமெரிக்காவில் உள்ள தென் கரோலினா மாகாணத்தில் உள்ள தி கிராஸ் பள்ளியில் ஆசிரியையாக உள்ளவர் எலன் நிமிக் (வயது 29). ஏற்கனவே மணமான இவருக்கு 3 குழந்தைகள் உள்ளனர்.

இந்நிலையில், தனது வீட்டில் விருந்து ஒன்றை ஏற்பாடு செய்திருந்தார் எலன். அதில் கலந்து கொள்ள தனது வகுப்பு மாணவர்களுக்கும் அவர் அழைப்பு விடுத்திருந்தார்.

விருந்திற்கு வந்திருந்த பல மாணவர்களில், 17 வயதுடைய 2 மாணவர்கள் மற்றும் 18 வயதுடைய 1 மாணவர் என மொத்தம் 3 மாணவர்களுடன் அவர் பாலியல் உறவில் ஈடுபட்டுள்ளார்.

இத்தகவல் தெரிந்த மாணவர்களின் பெற்றோர்கள், இது தொடர்பாக பள்ளி நிர்வாகத்திடமும், போலீசிலும் புகார் அளித்திருக்கிறார்கள். புகாரின் அடிப்படையில் ஆசிரியையை கைது செய்த போலீசார், அவரது வீட்டில் இருந்து பல ஆபாச புகைப்படங்களையும் கைப்பற்றியுள்ளனர். பள்ளி நிர்வாகம் அந்த ஆசிரியையை அதிரடியாக சஸ்பெண்ட் செய்துள்ளது.

இது தொடர்பாக பள்ளி நிர்வாகியான பிரைன் பேண்டன் கூறும்போது, ''ஆசிரியை என்ற வார்த்தைக்கே அர்த்தம் தெரியாமல் நடந்து கொண்ட அந்த ஆசிரியையை தற்போது சஸ்பெண்ட் செய்துள்ளோம். நீதிமன்றத்தில் அவருடைய குற்றம் நிரூபிக்கப்பட்டால், அவரை நிரந்தரமாக டிஸ்மிஸ் செய்ய உள்ளோம்" என்று தெரிவித்துள்ளார்.