ரொமான்ஸைக் கெடுத்த வாலிபரை துரத்தியடித்த ஆமை...!

செஷல்ஸ்: செஷல்ஸ் தீவில் ஒரு ஆண் ஆமையும், பெண் ஆமையும் ரொமான்ஸில் ஈடுபட்டிருந்தனர். அப்போது ஒருவர் போட்டோ எடுப்பதற்காக அந்த இடத்திற்கு வரவே, இதனால் கடுப்பான அந்த ஆமை அந்த நபரை தனது ஸ்டைலில் துரத்தியது தொடர்பான வீடியோ வெளியாகி கலகலப்பை ஏற்படுத்தியுள்ளது.

இயற்கை எழில் கொஞ்சும் தீவு நாடுதான் செஷல்ஸ். இந்தியப் பெருங்கடலில் இது அமைந்துள்ளது. இங்கு பெரிய சைஸ் ஆமைகள் நிறைய உள்ளன.

இந்தத் தீவுக்கு ரோஸ் என்பவர் தனது குழுவினருடன் சுற்றுப்பயணம் வந்திருந்தார். இவர் நேஷனல் ஜியாகிரபி சானலுக்காக படம் எடுப்பவர் ஆவார். அப்போது ஒரு இடத்தில் இரு ஆமைகள் செக்ஸ் விளையாட்டில் ஈடுபட்டிருந்ததைப் பார்த்தார். இதைப்பார்த்த ரோஸ் அந்த ஆமைகளைப் படம் எடுக்க முடிவு செய்து அருகே போனார்.

ஆனால் இது அந்த ஆமைகளுக்குப் பிடிக்கவில்லை. இடையூறாக உணர்ந்தன. அப்போது அதில் ஒரு ஆமை, ரோஸை நோக்கி திரும்பி அவரை நோக்க வர ஆரம்பித்தது. தனது ஸ்டைலில் பெரிய உடம்பைத் தூக்கிக் கொண்டு அவரை அது துரத்த, ரோஸ், அதை ஜாலியாக பார்த்தபடி பின்னால் நோக்கி நடந்தார்.

ஒரு கட்டத்துக்கு மேல் அந்த ஆமை தனது துரத்தலை நிறுத்தி விட்டு திரும்பிப் போய் விட்டது. இந்த வீடியோ வைரல் ஆகி கலகலப்பை ஏற்படுத்தியுள்ளது.

English summary

Sure, it’s in Paul Rose’s job description to get up and close and personal with all kinds of wildlife for National Geographic, but maybe he should have left these two tortoises alone when he encountered them in the Seychelles. The two tortoises are in the lighting the candles and making out portion of foreplay when Rose rudely interrupts by approaching them with his camera crew