விரைவில் தம்பி ஹாரியும் செட்டிலாகப் போகிறாராம்...!

லண்டன்: இங்கிலாந்து அரசக் குடும்பத்தில் விரைவில் அடுத்த திருமணம், அதுவும் இளவரசர் ஹரியினுடையது எனச் செய்தி பரவி வருகிறது. அதிகாரப் பூர்வமான அறிவிப்பு வராத நிலையில் அடுத்தாண்டு திருமணம், காதலியை கரம் பிடிக்கிறார் என விதவிதமாக வதந்திகள் உலா வருகின்றன.

இங்கிலாந்து இளவரசர் சார்லஸ்-டயானா தம்பதியினரின் இளைய மகனான 29 வயது ஹாரி, தற்போது இங்கிலாந்து விமான படையில் அப்பாச்சி ஹெலிகாப்டரில் விமானியாக பணிபுரிந்து வருகிறார்.

இவர் தனது காதலியை அடுத்தாண்டு மணமுடிக்கப் போவதாக தற்போது செய்திகள் வெளியாகியுள்ளது. பொதுவாகவே அரச குடும்பத்து விஷேசங்கள் குறித்து ஆர்வமாக உள்ள இங்கிலாந்து மக்கள் இச்செய்தியால் விரைவில் அரச குடும்ப விழா களைகட்டும் என ஆர்வமாக உள்ளனராம்.

தொழிலதிபர் மகள்...

ஹரி கடந்த ஓராண்டிற்கும் மேலாக, கிரசிடா போனாஸ் (24) என்ற பெண்ணை காதலித்து வருகிறார். கிரசிடா தொழில் அதிபர் ஜெப்ரி போனாஸ்-மேரி கயே குர்ஷன் தம்பதியின் மகள் ஆவார்.

விரைவில் திருமணாம்...?

வெளிப்படையாகவே தங்கள் காதலை வெளிப்படுத்திய இவர்கள், விரைவில் திருமணம் செய்து கொள்வார்கள் என பேச்சு அடிபடுகிறாது.

கல்யாணம்... குழந்தைகள்....

இதற்கிடையே திருமணம் செய்து கொண்டு மனைவி, குழந்தைகளுடன் வாழ வேண்டும் என இளவரசர் ஹாரி தனது விருப்பத்தை நண்பர்களிடம் தெரிவித்துள்ளாராம்.

இருவீட்டார் சம்மதம்...

திருமணத்திற்கு கிரசிடா தரப்பிலும் சம்மதம் கிடைத்துள்ளதால் அடுத்தாண்டு மீண்டும் இங்கிலாந்து அரண்மனைக் கல்யாணக் கோலம் போடும் என தெரிய வந்துள்ளது.

பத்திரிக்கைச் செய்தி...

ஹரி-கிரசிடா திருமண தகவல் குறித்து கிரசிடாவின் நெருக்கிய தோழி ஒருவர் கூறியதாக இத்தகவல் லண்டனில் வெளியாகும் பத்திரிக்கைகளில் வெளியாகியுள்ளது குறிப்பிடத்தக்கது.

English summary

The world’s most eligible bachelor may soon be unavailable: Rumours from across the pond say that Prince Harry is going to marry his girlfriend Cressida Bonas.