விதவிதமா ஸ்மைலியாம்... வெரிகுட் வைபையாம்... கலக்குது ஆப்பிளின் ஐ.ஒ.எஸ்.8.3!
வாஷிங்டன்: ஆப்பிள் நிறுவனம் தன்னுடைய புதிய ஒ.எஸ்ஸான ஐ.ஒ.எஸ்.8.3 இயங்குதளத்தின் மேம்படுத்தப்பட்ட வடிவத்தை அனைத்து ஐ போன்களுக்கும் தரவிறக்கம் செய்து கொள்ளலாம் என அறிவித்துள்ளது.
இந்த மேம்படுத்தப்பட்ட ஐ.ஒ.எஸ்.8.3ல் எமொஜி என்று சொல்லப்படும் உணர்வுகளை வெளிப்படுத்த பயன்படும் சித்திரங்களை அதிக அளவில் இணைத்துள்ளது.
புளூடூத், வைபை போன்றவற்றின் செயல்பாடுகளையும் மேம்படுத்தியுள்ளது ஆப்பிள்.
இனி ஈசியா டவுன்லோட்:
இனிமேல் இலவச அப்ளிகேஷன்களை தரவிறக்கம் செய்து கொள்வதற்கு பாஸ்வேர்ட் தேவையில்லை. அதேபோல் கூகுள் தளத்திற்கு செல்வதற்கான வழிமுறையும் இந்த மேம்படுத்தப்பட்ட வடிவில் எளிமைப்படுத்தப்பட்டுள்ளது.
நிறைய மொழிகளுக்கு திறவுகோல்:
ஆப்பிள் தனி உதவி மையத்தின் செயல்பாடுகளையும் அதிகப்படுத்தியுள்ளனர். இதன் மூலம் முன்பைவிட அதிக மொழிகளை பயன்படுத்த முடியும்.
எளிதான ஸ்பீக்கர் உபயோகம்:
இதைக்கொண்டு போனுக்கு அழைப்பு வந்த உடன் நேரடியாக ஸ்பீக்கரை பயன்படுத்தவும் முடியும்.
மெசேஜ் பிளாக்கிங் வசதி:
தெரியாத எண்களில் இருந்து வரும் தேவையற்ற குறுஞ் செய்திகள் பற்றி புகார் அளித்து தவிர்ப்பதற்கும் வகை செய்யப்பட்டுள்ளது.
விரைவில் ஐ.ஓ.எஸ்.9:
தற்போது ஆப்பிள் நிறுவனம் தனது கவனத்தை ஐ.ஓ.எஸ்.9 பக்கம் திருப்பியுள்ளது. வரும் ஜூன் மாதம் இந்த புதிய இயங்குதளம் வெளியிடப்படும் என கூறப்படுகிறது.
Click it and Unblock the Notifications
Sign in with Google