ID எங்கே? பாக்., ராணுவ தளபதி அசீம் முனீரை ஜெர்மனியில் தடுத்து நிறுத்திய அதிகாரி.. கேவலமா போச்சே

பெர்லின்: ஜெர்மனியில் முனிச் பாதுகாப்பு மாநாடு நடந்து வருகிறது. இந்த மாநாட்டில் பல்வேறு உலக நாடுகளின் பிரதிநிதிகள் பங்கேற்றுள்ளனர். இதில் பாகிஸ்தான் ராணுவ சீருடையில் சென்ற அந்த நாட்டின் ராணுவ தளபதி பீல்ட் மார்ஷல் அசீம் முனீர் அவமானப்படுத்தப்பட்டார். மாநாடு நடக்கும் இடத்துக்குள் நுழைய முயன்ற அவரிடம் ‛ஐடி எடு' என்று அதிகாரி கூறிய வீடியோ இணையதளங்களில் வெளியாகி வேகமாக பரவி வருகிறது.

ஜெர்மனியின் முனிச் நகரில் முனிச் பாதுகாப்பு மாநாடு நடந்து வருகிறது. கடந்த 13ம் தேதி தொடங்கிய இந்த மாநாடு இன்றுடன் முடிவுக்கு வர உள்ளது. இந்த மாநாடு ஒவ்வொரு ஆண்டும் நடத்தப்பட்டு வருகிறது. சர்வதேச அளவிலான பாதுகாப்பு கொள்கைகள் தொடர்பக இந்த மாநாடுகளின் பல்வேறு நாடுகளின் தலைவர்கள் விவாதிப்பார்கள்.

அந்த வகையில் நம் நாட்டில் இருந்து வெளியுறவுத்துறை அமைச்சர் ஜெய்சங்கர் சென்று பங்கேற்றுள்ளார். அமெரிக்கா உள்பட பிற நாடுகளின் அமைச்சர்கள், பிரதிநிதிகள் இந்த மாநாட்டில் பங்கேற்றுள்ளனர்.

பாக்., ராணுவ தளபதி அசீம் முனீர்

இந்த மாநாட்டில் பங்கேற்க பாகிஸ்தான் ராணுவ தளபதி பீல்ட் மார்ஷல் அசீம் முனீர் வந்தார். அவர் மாநாடு நடைபெறும் இடத்துக்கு சென்றார். பாகிஸ்தானின் ராணுவ சீருடையில் அவர் முன்னே செல்ல.. அவருக்கு பின்னால் பிற அதிகாரிகள் வந்தனர்.

அனைவரும் தங்களின் அடையாள அட்டையை கழுத்தில் அணிந்திருந்தனர். ஆனால் அசீம் முனீர் அடையாள அட்டை இல்லாமல் இருந்தார்.

ஐடி கேட்ட அதிகாரி

அப்போது அங்கிருந்த அதிகாரி ஒருவர், அசீம் முனீரிடம் அடையாள அட்டையை காண்பிக்கும்படி கூறினார். மாநாட்டின் நுழைவாயிலில் இருந்த அதிகாரி ஒருவர், ‛நில்லுங்கள்.. உங்களின் ஐடி கார்டு எங்கே'' என்று கேள்வி கேட்கிறார்.

அதற்கு அசீம் முனீரின் பின்னால் வந்த இன்னொரு ராணுவ அதிகாரி தனது கையில் இருந்த அசீம் முனீரின் அடையாள அட்டையை எடுத்து காண்பித்தார். இதையடுத்து அவர்கள் மாநாடு நடக்கும் இடத்தை நோக்கி நடந்து சென்றனர்.

Asim Munir at the Munich Security Conference
😅

This is how unprofessionalism treated outside your country.

That one was personal - ‘can you turn that around ‘ in the last 😭😭#AsimMunir #INDvsPAK pic.twitter.com/unRJuNattc

— THE CIVIC SENSE (@NarendraBi22548) February 15, 2026

அவமானப்படுத்திட்டிங்களே

அப்போதும் தன்னிடம் ஐடி கார்டு கேட்ட அதிகாரியை அசீம் முனீர் ‛அவமானப்படுத்திட்டிங்களே’ என ஒரு நொடி திரும்பி பார்த்து சென்றுள்ளார்.இதுதொடர்பான வீடியோ தற்போது இணையதளங்களில் வெளியாகி வேகமாக பரவி வருகிறது.

பாகிஸ்தானின் ராணுவ தளபதி பீல்ட் மார்ஷல் அசீம் முனீர் அவமானப்பட்டுள்ளதாகவும்,அசீம் முனீரை உலகில் யாருக்கும் தெரியவில்லை. இதுதான் பாகிஸ்தானின் நிலைமை என்று கூறி வருகின்றனர். குறிப்பாக பாகிஸ்தானை சேர்ந்த மக்கள் சிலரே அசீம் முனீரை ட்ரோல் செய்து வருகின்றனர். இருப்பினும் பாகிஸ்தான் நாட்டை சேர்ந்த பிரதிநிதிகள் இப்படி வெளிநாடுகளில் அவமானப்படுவது இது முதல் முறையல்ல. இதற்கு முன்பும் பலமுறை இதுபோன்ற சம்பவங்கள் நடந்துள்ளன.

அசீம் முனீருக்கு எதிராக போராட்டம்

மேலும் இந்த மாநாட்டில் அசீம் முனீர் பங்கேற்றதற்கு ஜெர்மனியில் செயல்பட்டு வரும் சிந்தி அரசியல் அமைப்பான ஜெய் சிந்து முத்தாஹிதா மஹாஸ் (JSMM) அமைப்பு கடும் எதிர்ப்பு தெரிவித்துள்ளது. முனீர் பாதுகாப்பு மாநாடு மிகவும் முக்கியமானது.

இந்த மாநாட்டில் அசீம் முனீரை பங்கேற்க அனுமதித்து இருக்க கூடாது. அவரை வெளியேற்ற வேண்டும் என்று மாநாட்டு வளாகத்துக்கு வெளியே அந்த அமைப்பினர் போராட்டம் நடத்தினர். இது பாகிஸ்தானுக்கு நேர்ந்த அவமானமாக பார்க்கப்படுகிறது.

English summary

Pakistan Army Chief Asim Munir: A security officer at an event in Germany's Munich almost stopped Pakistan Army chief Field Marshal Asim Munir over his identity card. Now the Video is viral on the Internet.