28 வயது எலியனார் காட்டனுக்கு மேன் புக்கர் விருது

லண்டன்: மேன் புக்கர் விருது இளம் வயது பெண் எழுத்தாளரான எலியனார் காட்டனுக்குக் கிடைத்துள்ளது. இந்த விருதைப் பெறும் மிகவும் இளைய எழுத்தாளர் இவர்தான்.

தி லுமினரிஸ் என்ற அவரது நூலுக்காக இந்த விருது கிடைத்துள்ளது. 19ம் நூற்றாண்டின் நியூசிலாந்தை பின்னணியாக வைத்து இந்த நூலை எழுதியுள்ளார் எலியனார்.

எலியனார் கனடாவில் பிறந்தவர். நியூசிலாந்தின் கிறிஸ்ட்சர்ச் நகரில் வளர்ந்தவர். இங்கிலாந்தின் பிரபலமான இலக்கிய விருதுதான் இந்த மேன் புக்கர் விருது. வருடந்தோறும் சிறந்த நாவலாசிரியர்களுக்கு வழங்கப்படும் இந்த விருது பெறத் தகுதியானவர்கள் இங்கிலாந்து, அயர்லாந்து அல்லது காமன்வெல்த் நாட்டைச் சேர்ந்தவராக இருக்க வேண்டும் என்பது குறிப்பிடத்தக்கது.

மேன் புக்கர் விருது பெறும் மிகவும் இளைய வயது எழுத்தாளர் என்ற பெயர் எலியனாருக்குக் கிடைத்தது போல அவர் எழுதிய நூலுக்கும் ஒரு பெருமை கிடைத்துள்ளது. அதாவது மேன் புக்கர் விருது பெறும் மிக நீள்மான புத்தகம் என்ற பெயர்தான் அது. எலியனாரின் நூல் மொத்தம் 848 பக்கங்களைக் கொண்டதாகும்.

English summary

Eleanor Catton was awarded the Man Booker Prize on Tuesday for "The Luminaries," an immersive tale set in 19th-century New Zealand that explores identity, greed and human frailty. At 28, Catton is the youngest winner of the Booker. She was born in Canada and raised in Christchurch, New Zealand.