இளவரசி கேட் மிடில்டன்னின் பேர் பாட்டம் போட்டோவை வெளியிட்ட ஆஸ்திரேலிய செய்தித்தாள்

சிட்னி: தொலைபேசி ஒட்டுக்கேட்பு வழக்கில் சிக்கிய ஆஸ்திரேலிய அமெரிக்க தொழில் அதிபரான ரூபர்ட் முர்டோக்கின் செய்தித்தாளில் இங்கிலாந்து இளவரசர் வில்லியமின் மனைவி கேட்டின் வெளியிடக்கூடாத புகைப்படம் ஒன்று வெளியாகியுள்ளது.

பிரபல பத்திரிக்கை அதிபரான ஆஸ்திரேலிய அமெரிக்கரான ரூபர்ட் முர்டாக்கிற்கு சொந்தமான நியூஸ் ஆப் தி வேர்ல்டு பத்திரிகை லண்டன் குண்டுவெடிப்பில் பாதிக்கப்பட்டவர்களின் தொலைபேசியை ஒட்டு கேட்ட விவகாரம் இங்கிலாந்தில் பெரும் பரபரப்பை ஏற்படுத்தியது.

இந்நிலையில் ஆஸ்திரேலியாவில் வெளிவரும் ரூபர்ட் முர்டாக்கிற்கு சொந்தான செய்தித்தாள்களில் ஒன்றில் இங்கிலாந்து இளவரசர் வில்லயமின் மனைவி கேட் மிடில்டன்னின் வெளியிடக்கூடாத புகைப்படம் ஒன்று வெளியாகியுள்ளது. வில்லியமும், கேட்டும் கடந்த ஏப்ரல் மாதம் ஆஸ்திரேலியாவில் சுற்றுப்பயணம் செய்தனர். அப்போது ப்ளூ மவுன்டெய்ன்ஸ் பகுதியில் ஹெலிகாப்டரில் இருந்து இறங்கி அவர்கள் நடந்தபோது பலமாக காற்று அடித்ததில் கேட்டின் கவுன் பறக்க அவரது ஆடையில்லா பின்னழகு(bare bottom) தெரிந்தது.

இந்த புகைப்படம் தான் இன்றைய செய்தித்தாளில் வெளியிடப்பட்டுள்ளது. முன்னதாக கடந்த 2012ம் ஆண்டு பிரான்ஸ் நாட்டு பத்திரிக்கையான குளோசர் கேட்டின் டாப்லெஸ் புகைப்படத்தை வெளியிட்டு பரபரப்பை ஏற்படுத்தியது என்பது குறிப்பிடத்தக்கது.

English summary

Business magnet Rupert Murdoch's Australian newspaper published a picture of Prince Willaim's wife Kate's bare bottom on wednesday.