சாதனை.. ஆஸி. நாடாளுமன்றத்தில் குழந்தைக்கு தாய்ப்பால் கொடுத்த எம்.பி!
கான்பெரா: குயின்ஸ்லாந்து செனட்டர் லரிசா வாட்டர்ஸ் தனது 2 மாத குழந்தைக்கு நாடாளுமன்றத்தில் தாய்ப்பால் கொடுத்ததன் மூலம் அந்த நாட்டு வரலாற்றில் இடம் பிடித்துள்ளார்.
"என் மகள் அலியா ஃபெடரல் நாடாளுமன்றத்தில் தாய்ப்பால் பருகிய முதல் குழந்தையாக இருக்கிறாள் என்று பெருமிதம் கொள்கிறேன் " என்று வாட்டர்ஸ் ட்வீட் செய்துள்ளார்.
2 மாத குழந்தையான அலியா ஜாய்க்கு, லரிசா தாய்ப்பால் கொடுக்கும் புகைப்படம் வைரலாகியுள்ளது. லாரிசா வாட்டர்ஸ், ஆஸ்திரேலியாவின் பசுமைக் கட்சியின் துணைத் தலைவர் எ்பது குறிப்பிடத்தக்கது.
La sénatrice @larissawaters est devenue la première femme à allaiter au #Parlement https://t.co/wjXV62MXqP #Australia #breastfeeding pic.twitter.com/0EYbVimfBj
— Gunel Ibrahimova (@Ibrahimova_GNL) May 10, 2017
கடந்த செவ்வாய்க்கிழமைதான், மகப்பேறு விடுப்பிலிருந்து அவர் நாடாளுமன்றம் திரும்பியிருந்தார். நாடாளுமன்ற அரங்கத்திலேயே தாய்ப்பால் கொடுக்க அனுமமதிக்கும் வகையில், விதிமுறையை மாற்றியதில் இவர் பெரும் பங்காற்றியவர். இந்த விதிமுறை தளர்வுக்கு பிறகு, முதல் முறையாக நாடாளுமன்றத்தில் தாய்ப்பால் கொடுத்து வரலாற்றில் இடம் பிடித்துள்ளார் இந்த இளம் எம்.பி.