ப்பா... பச்சைப் புள்ளைக்கு எம்புட்டு தலைமுடி... வைரல் ஆன போட்டோ!
கலிபோர்னியா: பிறக்கும்போதே அடர்த்தியான தலை முடியும், அருமையான ஹேர் ஸ்டைலும் கொண்ட குழந்தை ஒன்றின் புகைப்படம் இணையத்தில் வைரலாகியுள்ளது.
மக்களின் ‘தலை'யாயப் பிரச்சினைகளுள் ஒன்று முடி உதிர்தல் மற்றும் அடர்த்தியாக முடி வளர வைப்பது தான். அடர்த்தியான கூந்தலை வேண்டாம் என்பவர்களே இருக்க மாட்டார்கள். அந்தளவிற்கு மக்களுக்கு தலை முடி மீது ஒருவித ஈர்ப்பு உள்ளது.
View post on imgur.com இந்நிலையில், அமெரிக்காவின் கலிபோர்னியா மாகாணத்தில் உள்ள ரெட்வுட் நகரத்தில் கடந்த இரண்டு வாரங்களுக்கு முன் பிறந்த பெண் குழந்தை ஒன்று தலை நிறைய அடர்த்தியான முடியுடன் பிறந்திருப்பது ஆச்சர்யத்தை ஏற்படுத்தியுள்ளது.
அக்குழந்தையின் தாயார் பெயர் மெக்கன்ஸி கப்லான் (28). சமீபத்தில் தனது கைக்குழந்தையுடன் செல்பி எடுத்து அதனை தனது சமூகவலைதளப் பக்கத்தில் வெளியிட்டார் மெக்கன்ஸி.
அதைக் கண்டு அவரது நண்பர்கள் மற்றும் உறவினர்கள் ஆச்சர்யம் அடைந்தனர். காரணம் புதிதாக பிறந்த அக்குழந்தைக்கு தலை நிறைய அடர்த்தியாக முடி இருந்தது தான்.
தற்போது அக்குழந்தையின் படம் இணையத்தில் வைரலாகப் பரவி வருகிறது. பிரபல செய்தித் தொகுப்பாளர் ஒருவரின் ஹேர்ஸ்டைல் போன்று அக்குழந்தையின் தலைமுடியும் இருப்பதாகக் கூறி, சிலர் அப்புகைப்படத்தை போட்டோஷாப் செய்தும் ஷேர் செய்து வருகின்றனர்.
குழந்தையின் பெற்றோர்களுடைய மரபணுக்கள் காரணமாக இந்த குழந்தைக்கு இதுபோன்று அடர்த்தியான முடி உள்ளதாக மருத்துவர்கள் கருத்துத் தெரிவித்துள்ளனர்.
Click it and Unblock the Notifications
Sign in with Google