ரஜினிகாந்த் பிறந்த நாள்.. பஹ்ரைனில் ரத்ததானம் கொடுத்து ரசிகர்கள் கொண்டாட்டம்
மனாமா: சூப்பர்ஸ்டார் ரஜினிகாந்த் பிறந்தநாளை முன்னிட்டு பஹ்ரைன் ரஜினி மக்கள் மன்றம் சார்பாக நேற்று, புதன்கிழமை ரத்ததான முகாமிற்கு ஏற்பாடு செய்யப்பட்டிருந்தது.
ரஜினிகாந்த்தின் 69வது பிறந்த நாள் நேற்று கொண்டாடப்பட்டது. ரஜினி ரசிகர்கள் விதம் விதமாக கொண்டாடி மகிழ்ந்தனர்.
ரஜினிக்கு சமூக வலைதளங்கள் மூலம் அவரது ரசிகர்கள், அரசியல் தலைவர்கள், திரையுலகினர், நலம் விரும்பிகள் வாழ்த்து தெரிவித்திருந்தனர்.
பஹ்ரைனில் கொண்டாட்டம்
இந்த நிலையில் பஹ்ரைனிலும் ரசிகர்கள் கொண்டாடியுள்ளனர். பனாமா, செகாயா பகுதியில் அமைந்துள்ள மிடில் ஈஸ்ட் மருத்துவமனையில் ரத்த தான முகாம் ஒன்று பஹ்ரைன் ரசிகர் மக்கள் மன்றம் சார்பில் நடைபெற்றது.
69 பேர் தானம்
ரஜினிகாந்த்தின் 69வது பிறந்தநாளை குறிக்கும் வகையில் 69 மன்ற உறுப்பினர்கள் ரத்த தானம் செய்தனர் மேலும் பெரிய கேக் வெட்டியும் ரசிகர் மன்றத்தினர் தங்களது சந்தோஷத்தை வெளிப்படுத்தினர்.
பாராட்டும், நன்றியும்
மருத்துவமனையின் நிர்வாக இயக்குனர் மருத்துவர் வர்கீஸ் குரியன் மற்றும் பொது மேலாளர் மருத்துவர் கலீல் அப்துல்வா ஹித் ஓமர் ஆகியோர் கலந்துகொண்டு மன்ற உறுப்பினர்களுக்கு பாராட்டுக்களும் நன்றிகளும் தெரிவித்தனர்.
குழந்தைகளுக்கு கலை நிகழ்ச்சிகள்
பஹ்ரைன் ரஜினி மக்கள் மன்ற செயலாளர் சுரேஷ் காலாடி மற்றும் ரமேஷ் முத்தன், சுதீர், ராஜேந்திரன், ரமேஷ் நாராயணன், வேம்பூர் செந்தில்குமார், சதீஸ் உள்ளிட்ட செயற்குழு உறுபினர்கள் கேக் வெட்டி தங்கள் மகிழ்ச்சியை வெளிப்படுத்தினர். குழந்தைகளுக்கான கலை நிகழ்சிகளுக்கு ஏற்பாடு செய்யப்பட்டிருந்தது.
தகவல், படங்கள்:
முனைவர். பெ. கார்த்திகேயன்
Click it and Unblock the Notifications
Sign in with Google