அமீரகத்தில் பக்ரித் பண்டிகை உற்சாக கொண்டாட்டம்
துபாய்: ஐக்கிய அரபு அமீரகத்தில் தியாகத் திருநாள் எனப்படும் பக்ரித் பண்டிகை கோலாகலமாக கொண்டாடப்பட்டது.
ஐக்கிய அரபு அமீரகத்தில் கடந்த 4ம் தேதி பக்ரித் பண்டிகை கொண்டாடப்பட்டது. தியாகத் திருநாளையொட்டி அபுதாபி, துபாய், ஷார்ஜா, அஜ்மான், உம்முல் குவைன், ராசல் கைமா, ஃபுஜைரா, அல் அய்ன் உள்ளிட்ட அமீரகத்தின் பல்வேறு பகுதிகளிலும் சிறப்புத் தொழுகை நடைபெற்றது.
இதில் அமீரக ஆட்சியாளர்கள் கலந்து கொண்டனர். மேலும் மக்களுக்கு தியாகத் திருநாள் வாழ்த்துக்களையும் தெரிவித்தனர்.
தொழுகையினைத் தொடர்ந்து குர்பானி கொடுக்கும் பணியில் பலர் ஈடுபட்டனர்.
சவுதி அரேபியா, பஹ்ரைன், கத்தார் உள்ளிட்ட வளைகுடா நாடுகளிலும் தியாகத் திருநாள் உற்சாகமாக கொண்டாடப்பட்டது.
தமிழர்கள்
துபாய் தேரா பகுதியில் உள்ள ஈத் பெருநாள் மைதானத்தில் நடைபெற்ற சிறப்புத் தொழுகை முடிந்ததும் தமிழர்கள் தங்களுக்குள் பெருநாள் வாழ்த்துக்களைப் பரிமாறிக் கொண்டனர் என்பது குறிப்பிடத்தக்கது.