பாங்காக் குண்டுவெடிப்பு: அதிர்ஷ்டவசமாக உயிர் பிழைத்த நடிகை ஜெனிலியா

பாங்காக்: பாங்காக்கில் குண்டுகள் வெடித்த இடத்தில் இருந்து சில மீட்டர் தொலைவில் உள்ள வணிக வளாகத்தில் இருந்த நடிகை ஜெனிலியா அதிர்ஷ்டவசமாக உயிர் பிழைத்துள்ளார்.

தாய்லாந்து தலைநகர் பாங்காக்கில் உள்ள பிரபல வணிக வளாகம் எதிரே சுற்றுலாப் பயணிகள் அதிகம் வரும் கோவிலுக்கு வெளியே நேற்று இரவு அடுத்தடுத்து 2 குண்டுகள் வெடித்தன. இதில் 22 பேர் பலியாகினர், 120 பேர் காயம் அடைந்தனர்.

இந்த சம்பவம் நடந்தபோது நடிகை ஜெனிலியா கோவிலுக்கு எதிரே உள்ள வணிக வளாகத்தில் தான் இருந்துள்ளார். அதிர்ஷ்டவசமாக அவர் உயிர் பிழைத்துள்ளார்.

இது குறித்து அவர் நேற்று இரவு ட்விட்டரில் கூறியிருப்பதாவது,

Bomb set off just opp the mall we are currently in -can hear the sirens blazing all over- we are safe but feel terrible for the lives lost.

— Genelia Deshmukh (@geneliad) August 17, 2015

நாங்கள் இருக்கும் வணிக வளாகத்திற்கு எதிரே குண்டுகள் வெடித்துள்ளன. கார் சைரன்களின் ஒலி எங்கும் கேட்கிறது. நாங்கள் பத்திரமாக இருக்கிறோம். ஆனால் பலியானவர்களை நினைத்து வருத்தமாக உள்ளது என்று தெரிவித்துள்ளார்.

விளம்பர படம் ஒன்றில் நடிக்க ஜெனிலியா பாங்காக் சென்றுள்ளார் என்பது குறிப்பிடத்தக்கது.

English summary

Actress Genelia was few metres away from the blast site in Bangkok. Though she is safe, she feels terrible for those who lost their lives.