10வது திருமண நாளை கொண்டாடிய கையோடு விவாகரத்து கோரியுள்ள ஹாலிவுட் நடிகர் பென் அப்லெக்

By Siva

Published: Wednesday, July 1, 2015, 16:40 [IST]

Subscribe to Oneindia Tamil

லாஸ் ஏஞ்சல்ஸ்: ஹாலிவுட் நடிகர் பென் அப்லெக்கும், அவரது மனைவியும், நடிகையுமான ஜெனிபர் கார்னரும் 10வது திருமண நாளை கொண்டாடிய கையோடு விவாகரத்து கோரி விண்ணப்பித்துள்ளனர்.

ஹாலிவுட் நடிகர் பென் அப்லெக்கிற்கும் திருமணத்திற்கும் ஏழாம் பொருத்தமாக இருக்கும் போன்று. அவர் வாழ்வில் காதலிகள், மனைவி தங்குவதே இல்லை. அவர் அயர்ன் மேன் நடிகை க்வெய்னத் பால்ட்ரோவை காதலித்தார்.

1997ம் ஆண்டு அக்டோபர் மாதம் பென்னும், பால்ட்ரோவும் சந்தித்து நண்பர்களாகினர். பின்னர் நட்பு காதல் ஆனது.

க்வெய்னத் பால்ட்ரோ

பென் அப்லெக்கும், க்வெய்னத் பால்ட்ரோவும் 1997ம் ஆண்டு முதல் 2000ம் ஆண்டு வரை காதலர்களாக வலம் வந்தனர். அதன் பிறகு ஒத்துவரவில்லை என்று கூறி பிரிந்துவிட்டனர்.

ஜெனிபர் லோபஸ்

பிரபல ஹாலிவுட் நடிகையும், பாடகியுமான ஜெனிபர் லோபஸும், பென் அப்லெக்கும் காதலித்தனர். அவர்களின் காதலை அடுத்த கட்டத்திற்கு கொண்டு சென்று திருமணத்தை நிச்சயித்தனர். ஆனால் நிச்சயதார்தத்தோடு அவர்களின் உறவு முறிந்துவிட்டது.

ஜெனிபர் கார்னர்

ஜெனிபர் லோபஸை பிரிந்த பென் நடிகை ஜெனிபர் கார்னரை காதலித்து அவரை கடந்த 2005ம் ஆண்டு ஜுன் மாதம் 29ம் தேதி திருமணம் செய்து கொண்டார். கடந்த 29ம் தேதி 10வது திருமண நாளை கொண்டாடிய கையோடு விவாகரத்து கேட்டு அவர்கள் விண்ணப்பித்துள்ளனர். அவர்களுக்கு 3 குழந்தைகள் உள்ளனர்.