மோடி 'மனைவிக்காக' கார் கதவை திறந்து பல்பு வாங்கிய வெள்ளை மாளிகை பாதுகாவலர்.. வைரலாகும் வீடியோ

சென்னை: பிரதமர் நரேந்திர மோடி அமெரிக்காவில் சுற்றுப் பயணம் மேற்கொண்டார். முதல் முறையாக அவர் அமெரிக்க அதிபர் டொனால்ட் ட்ரம்பை சந்தித்து பேசினார்.

மோடிக்கு அமெரிக்க அதிபர் மாளிகையான வெள்ளை மாளிகையில் சிவப்பு கம்பளத்துடன், சிறப்பான வரவேற்பு அளிக்கப்பட்டது. ட்ரம்ப் மனைவி மெலனியா வெள்ளை மாளிகையில் இருந்து வெளியே வந்து மோடியை வரவேற்றார்.

இந்த நிலையில் ஒரு வீடியோ சமூக வலைத்தளங்களில் வைரலாகி வருகிறது. அதில் மோடியின் கார் வெள்ளை மாளிகை அருகே வந்தபோது, அமெரிக்க பாதுகாவலர்கள் வந்து நின்று சல்யூட் செய்கிறார்கள்.

இரு கதவுகள்

மோடியின் பிரமாண்ட கார் வந்து நின்றதும், காரின் பின் இருக்கையின் இரு கதவுகளின் அருகிலும் ஆளுக்கொரு பாதுகாவலர்கள் வந்து நின்றனர். ஒரு பாதுகாவலர் வலதுபக்க கதவை திறந்தார். மற்றொரு பாதுகாவலரோ இடதுபக்க கதவை திறந்தார். அதை திறக்க கஷ்டமாக இருந்தது. இருப்பினும், சற்று சிரமப்பட்டு அந்த கதவை அவர் திறந்தார்.

மோடி வெளியேறினார்

அதற்குள்ளாக மோடி வலது பக்க கதவு வழியாக வெளியேறி, அங்கே நின்ற ட்ரம்ப்பிடம் கை குலுக்கி பேச ஆரம்பித்தார். இடதுபக்க கதவை திறந்த பாதுகாவலரோ, உள்ளே யாரும் இல்லை என்பதை பார்த்து சற்று திடுக்கிட்டார்.

வழக்கம்

சர்வதேச நாடுகளின் தலைவர்கள் வருகையின்போது, அவர்கள் வலதுபக்கமும், அவர்களின் மனைவி இடதுபக்கமும் அமர்ந்திருப்பர். எனவே இரு கதவுகளையும் இரு பாதுகாவலர்கள் திறப்பார்கள்.

1 Modi's car arrives
2. Guard salutes
3. Goes to open the door for Mrs Modi
4. NO Mrs Modi 😢😢😢 pic.twitter.com/fOCugaAdS7

— Nishchay Luthra (@GabbbarSingh) June 26, 2017

பல்பு

அமெரிக்க பாதுகாவலர்களும், மோடியின் மனைவிக்காகத்தான் இடதுபக்க கதவை திறந்தார். ஆனால் மோடி தனது மனைவியுடன் வசிக்கவில்லை என்பதை பாதுகாவலர் அறிந்திருக்கவில்லை போலும். அமெரிக்க பாதுகாவலர் பல்பு வாங்கிய இந்த வீடியோ காட்சி, சமூக வலைத்தளங்களில் வைரலாக சுற்றி வருகிறது.

English summary

Indian Prime Minister Modi, meeting US President Trump for the first time, was accorded a warm welcome with the President and the first lady Melania coming out of the White House to receive him. In the video which is going viral on social media platforms shows that the US guards who were standing on either si