பில்கேட்ஸ், வாரென் பபெட், லேரி எலிசன், முகேஷ் அம்பானி, லட்சுமி மிட்டல், ஆசிம் பிரேம்ஜி.. அதே தான்!

By Mayura Akilan

Published: Tuesday, September 17, 2013, 11:16 [IST]

Subscribe to Oneindia Tamil

நியூயார்க்: அமெரிக்க பணக்காரர்களின் பட்டியலில் மைக்ரோசாப்ட் நிறுவனத்தின் நிறுவனரான பில் கேட்ஸ் முதலிடம் பிடித்துள்ளார்.

போர்ப்ஸ் இதழ் அமெரிக்க பணக்காரர்களின் பட்டியலை வெளியிட்டுள்ளது.

அதில் இந்த ஆண்டு 72 பில்லியன் டாலர் (4 லட்சத்து 52 ஆயிரத்து 376 கோடி) மதிப்புடைய சொத்துகளுக்கு சொந்தக்காரரான பில்கேட்ஸ் முதலிடம் பெற்றுள்ளார்.

பில்கேட்ஸ்

கடந்த ஆண்டு பில்கேட்ஸ் சொத்து மதிப்பு 66 பில்லியன் டாலர். இந்த ஆண்டு 6 பில்லியன் டாலர் அளவு சொத்து அதிகரித்துள்ளது.

வாரென் பபெட்

பெர்க்‌ஷைர் ஹாத்வே நிறுவனத்தின் வாரென் பபெட் 58.5 பில்லியன் டாலர் சொத்து மதிப்புடன் இரண்டாமிடத்தில் உள்ளார்.

ஆரக்கிள் நிறுவனர் லேரி எலிசன்

41 பில்லியன் டாலர் மதிப்பு சொத்துக்கு உரிமையாளரான ஆரக்கிள் கம்பெனியினை உருவாக்கியவர்களில் ஒருவரான லேரி எல்லிசன் மூன்றாமிடத்தில் உள்ளார் என்று போர்ப்ஸ் பத்திரிக்கை பட்டியலிட்டுள்ளது.

ப்ளூம்பெர்க் இதழில்

பிரபல பொருளாதார செய்தி நிறுவனமான ப்ளூம்பெர்க், தற்போது உலகின் முதல் 100 பணக்காரர்கள் பட்டியலை சமீபத்தில் வெளியிட்டுட்டது அதிலும் பில்கேட்ஸ்தான் நம்பர் 1 பணக்காரர் என்ற இடத்தை பிடித்துள்ளார்.

முகேஷ் அம்பானி

இந்த பட்டியலில் 3 இந்தியர்கள் இடம் பெற்றுள்ளனர். இந்த பட்டியலில் 25-ஆவது இடத்தில் உள்ள இந்தியாவின் முதல் பணக்காரர் முகேஷ் அம்பானிக்கு 1,32,000 கோடி ரூபாய் சொத்து இருக்கிறது.