ஷார்ஜாவில் நாளை ரத்ததான முகாம்: அமீரக அடையாள அட்டை கட்டாயம்!!!

ஷார்ஜாவில் நாளை நடைபெறும் ரத்ததான முகாமில் பங்கேற்பவர்கள் அமீரக அடையாள அட்டையை கட்டாயம் கொண்டுவர வேண்டும் என தெரிவிக்கப்பட்டுள்ளது.

ஷார்ஜா: ஷார்ஜாவில் நாளை ரத்ததான முகாம் நடைபெறவுள்ளது. இதில் பங்கேற்பவர்கள் அமீரக அடையாள அட்டையை கட்டாயம் கொண்டுவர வேண்டும் என தெரிவிக்கப்பட்டுள்ளது.

ஷார்ஜா அல் வக்தா சாலை லூலூ ஹைபர் மார்க்கெட் பின்புறம் உள்ள யூனியன் டாக்சி அலுவலகத்தில் நாளை வியாழக்கிழமை காலை 8 மணி முதல் மதியம் 12.30 மணி வரை ரத்ததான முகாம் நடைபெற இருக்கிறது. இந்த ரத்ததான முகாமில் பங்கேற்க விரும்புபவர்கள் முதுவை ஹிதாயத் 050 51 96 433, கீழை ஏ ஹமீது யாசின் 052 77 78 341 ஆகியோரை தொடர்பு கொண்டு முன்பதிவு செய்து கொள்ள வேண்டும் என தெரிவிக்கப்பட்டுள்ளது.

ரத்ததான முகாமில் பங்கேற்க விரும்புபவர்கள் அமீரக அடையாள அட்டையை கட்டாயம் கொண்டு வர வேண்டும் என்றும் அறிவிக்கப்பட்டுள்ளது. அமீரகத்தில் விபத்து உள்ளிட்ட பல்வேறு நேரங்களின் போது மேற்கொள்ளப்படும் அறுவை சிகிச்சை உள்ளிட்டவைகளுக்காக ரத்தத்தின் தேவை அதிகமாக உள்ளது.

இதனை கருத்தில் கொண்டு ரத்ததானம் செய்ய மக்கள் முன்வரவேண்டும் என்றும் கேட்டுக்கொள்ளப்பட்டுள்ளது.

English summary

blood donation camp held tomorrow in Sharjah. People who are coming for donating blood they should bring their emirates identity card.