பிரேசிலில் படுமோசமடையும் கொரோனா பாதிப்பு: ஒரே நாளில் 1,185 பேர் பலி- 31,197 பேருக்கு பாதிப்பு

ஜெனிவா: உலக நாடுகளில் பிரேசிலில் கொரோனா பாதிப்பு மிக மோசமடைந்துள்ளது. பிரேசிலில் ஒரே நாளில் கொரோனாவுக்கு 1,185 பேர் பலியாகி உள்ளனர். பிரேசிலில் ஒரே நாளில் மட்டும் 31,197 பேருக்கு கொரோனா பாதிப்பு உறுதியாகி உள்ளது.

உலக நாடுகளில் கொரோனா பாதிப்பு எண்ணிக்கை என்பது 75 லட்சத்தை நெருங்கியுள்ளது. இதுவரை கொரோனாவால் பாதிக்கப்பட்டோர் எண்ணிக்கை 73,11,660.

கொரோனாவால் உலக நாடுகளில் மொத்தம் 4,12,997 பேர் மரணித்துள்ளனர். மேலும் 35,96,095 பேர் கொரோனாவால் பாதிக்கப்பட்டு குணமடைந்தும் உள்ளனர்.

அதிகரித்த மரணங்கள்

உலக நாடுகளிலேயே அமெரிக்காவில்தான் மிக மோசமான பாதிப்பு இருந்து வருகிறது. அமெரிக்காவில் கொரோனாவால் பாதிக்கப்பட்டோர் எண்ணிக்கை 20,45,549 ஆக அதிகரித்திருக்கிறது. நேற்று ஒரே நாளில் 19,056 பேருக்கும் கொரோனா உறுதி செய்யப்பட்டது. அமெரிக்காவில் நேற்று ஒரே நாளில் 1,093 பேர் உயிரிழந்தனர். இதனால் அமெரிக்காவில் கொரோனா மரணங்கள் எண்ணிக்கை 1,14,148 ஆக அதிகரித்திருக்கிறது.

பிரேசிலில் மிக மோசம்

அமெரிக்காவை தொடர்ந்து கொரோனா மிக அதிகமாக பாதித்து வரும் நாடாக பிரேசில் உள்ளது. பிரேசிலில் நேற்று ஒரே நாளில் 31,197 பேருக்கு கொரோனா உறுதியானது. ஒருநாள் பாதிப்பில் பிரேசில்தான் முதலிடத்தில் இருக்கிறது. பிரேசிலில் கொரோனா பாதிப்பு எண்ணிக்கை 7,42,084 ஆகும். ஒருநாள் கொரோனா மரணங்களிலும் பிரேசிலே முதலிடத்தில் இருக்கிறது. இங்கு நேற்று மட்டும் 1,185 பேர் மாண்டு போயினர். பிரேசிலில் மொத்த கொரோனா மரணங்கள் 38,497 ஆகும்.

இந்தியா 3-வது இடம்

ஒருநாள் கொரோனா பாதிப்பில் இந்தியா 3-வது இடத்தில் இருக்கிறது. இந்தியாவில் நேற்று ஒருநாள் மட்டும் 10,218 பேர் கொரோனாவால் பாதிக்கப்பட்டிருக்கின்றனர். இந்தியாவில் கொரோனா மரணங்கள் நேற்று ஒருநாளில் 277 ஆக இருந்தது. இந்தியாவில் மொத்த கொரோனா மரணங்கள் 7,750 ஆக உயர்ந்திருக்கிறது. இந்தியாவிலேயே மகாராஷ்டிரா, தமிழகம், டெல்லி, குஜராத் மாநிலங்கள்தான் மிக மோசமாக கொரோனாவால் பாதிக்கப்பட்டுள்ளன.

ரஷ்யாவில் பாதிப்பு

ரஷ்யாவில் நேற்று ஒருநாளில் கொரோனா பாதிப்பு என்பது 8,595ஆக இருந்தது. ரஷ்யவில் மொத்த கொரோனா பாதிப்பு எண்ணிக்கை 4,85,253 ஆக உள்ளது. ரஷ்யாவில் நேற்று ஒரே நாளில் 171 பேர் கொரோனாவால் பலியாகி உள்ளனர். ரஷ்யாவில் கொரோனா உயிரிழப்புகள் எண்ணிக்கை 6,142 ஆக இருக்கிறது. இங்கிலாந்தில் கொரோனா மரணங்கள் 40,883 ஆகவும் இத்தாலியில் 34,043 ஆகவும் இருந்து வருகின்றன. ஸ்பெயினில் கொரோனா உயிரிழப்புகள் எண்ணிக்கை 27,136 ஆக அதிகரித்திருக்கிறது.

English summary

Brazil recorded 1,185 new deaths from coronavirus and 31,197 new cases in the last 24 hours.