பனியோடு உறவாடி.. சறுக்கி சறுக்கி விளையாடி.. "ஸ்விங் ஸ்விங்" சிகாகோ.. வீடியோ!

Published: Friday, November 30, 2018, 16:59 [IST]

Subscribe to Oneindia Tamil

சிகாகோ: ஆஹா.. என்று கூறும் அளவுக்கு பனி கொட்டிக் குவித்துக் கொண்டிருக்கிறது அமெரிக்காவில்.

அமெரிக்கா போன்ற மேலை நாடுகளில் நவம்பர் தொடங்கி லேசான குளிர் பரவி குளிர்காலம் தொடங்குகிறது. அடிக்கடி பனி மழை கூட பொழிகிறது.

அப்படியான அந்த குளிர் காலத்தில் கோடை காலம் போல சட்டென்று வெளியே கிளம்பி அங்கு இருப்பவர்களால் வெளியில் சுற்ற முடிவதில்லை. அதனாலேயே அவர்கள் பனிக்காலத்தை சுகமாக கழிக்க உள்ளரங்குகளிலே நிறைய பொழுதுபோக்குகளை ஏற்படுத்தி வைத்திருக்கிறார்கள். அங்கு தான் இந்த குளிர்காலத்தில் படையெடுக்கிறார்கள்.

அப்படிப்பட்டவை தான் சங்கீத சபாக்கள், இசை மேடைகள், திரைப்பட அரங்குகள், அருங்காட்சியகம். இப்படி முக்கால்வாசி நேரத்தை உள்ளரங்கிலே கழிக்கிறார்கள். இதையெல்லாம் தாண்டி அங்கு குளிர்காலத்தில் ரொம்ப பிரபலமான பொழுதுபோக்கு பனிச்சறுக்கு விளையாட்டு தான்.

குளிரிலும் கூட பெரிய ஜாக்கெட் போட்டுகொண்டு, உயரமான காலணிகளை போட்டுகொண்டு பனிச்சறுக்குக்கு பிரத்தியேகமாக உபயோகிக்கும் ஸ்கேட் போர்டு மாட்டிக்கொண்டு "ஸ்விங் ஸ்விங்" என்று வெகு அழகாக லாவகமாக குழந்தைகள் முதல் பெரியவர்கள் வரை ஜாலியாக சறுக்கிறார்கள்.

யானைக்கும் அடி சறுக்கும் என்று சொல்வாங்க இல்லையா அது போல தான் ஸ்விங் ஸ்விங் என்று சூப்பரா சறுக்கி கொண்டிருப்பவர்கள் சட் சட்னு விழுவதும் நடக்கும். நாம பனிச்சறுக்கில் விளையாடறோமோ இல்லையோ இவங்க கொண்டாட்டத்தை பார்த்தாலே குஷி ஆகிவிடுவோம். வாங்க ஜாலியா ஒரு பனிச்சறுக்கு அனுபவம் பெற விடியோவை பாருங்க.