இளம்பெண்களுடன் குத்தாட்டம் போட்ட கனடா பிரதமர்!

ஒட்டாவா: கனடாவின் புதிய பிரதமராக தேர்ந்தெடுக்கப்பட்டுள்ள ஜஸ்டின் ட்ருதியே, இந்திய - கனடியன் சங்கத்தினர் நடத்திய பாராட்டு நிகழ்ச்சியில் கலந்துகொண்டு, இளம்பெண்களுடன் பங்கரா டான்ஸ் ஆடி அனைவரையும் ஆச்சர்யத்தில் அசத்தினார்.

கனடா நாடாளுமன்ற பொதுத்தேர்தலில் ஆளும் கன்சர்வேட்டிவ் கட்சி தோல்வியைத் தழுவ லிபரல் கட்சி ஆட்சியைக் கைப்பற்றிது. பெரும்பான்மைக்கும் அதிகமான இடங்களைக் கைப்பற்றிய அக்கட்சியின் தலைவரான ஜஸ்டின் ட்ருதியே, (43) புதிய பிரதமராக பதவியேற்க உள்ளார்.

இவர் முன்னாள் பிரதமர் பியரே ட்ருடாவின் மகன் ஆவார். இதன் மூலமாக கனடா வரலாற்றில் மிக நீண்ட காலமாக 10 ஆண்டுகள் பிரதமராக இருந்த ஸ்டீஃபன் ஹார்ப்பரின் ஆட்சி முடிவுக்கு வந்ததுள்ளது.

இந்நிலையில், இந்திய - கனடியன் சங்கத்தினர் நடத்திய பாராட்டு நிகழ்ச்சியில் ஜஸ்டின் கலந்துகொண்டார். அப்போது அங்கு நடைபெற்ற பங்கரா டான்ஸ் நிகழ்ச்சியில் திடீரென ஜஸ்டின் புகுந்து டான்ஸ் ஆடியது அங்கிருந்த அனைவரையும் ஆச்சர்யத்தில் ஆழ்த்தியது. அந்த வீடியோ காட்சிகள் யூடியூப்பில் வைரலாக வலம் வந்து கொண்டிருக்கின்றன.

English summary

Justin Trudeau, the newly elected Prime Minister of Canada, was dancing with girl dancers during a festival of Indo - Canadian association.