ஆப்கானிஸ்தான் மருத்துவமனை அருகே கார் குண்டு வெடிப்பு - 30 பேர் பலி...70 பேர் படுகாயம்

ஆப்கானிஸ்தானில் நிகழ்ந்த கார் வெடிகுண்டு தாக்குதலில் மாணவர்கள் உள்பட 30 பேர் கொல்லப்பட்டு உள்ளனர்.

காபூல்: ஆப்கானிஸ்தானில் நிகழ்ந்த கார் வெடிகுண்டு தாக்குதலில் மாணவர்கள் உள்பட 30 பேர் கொல்லப்பட்டு உள்ளனர். 70க்கும் மேற்பட்டோர் பலியாகியுள்ளனர். இந்த குண்டுவெடிப்பு சம்பவத்தில் மருத்துவமனை கட்டிடம் மற்றும் மருத்துவமனையில் நிறுத்தப்பட்டிருந்த ஆம்புலன்சுகள் ஆகியவை பலத்த சேதமடைந்தன.

ஆப்கானிஸ்தான் நாட்டின் கிழக்கே அமைந்த லோகர் மாகாணத்தின் தலைநகர் புல் இ ஆலமில் மருத்துவமனை உள்ளது. இந்த மருத்துவமனைக்கு வெளியே நிறுத்தப்பட்டிருந்த கார் வெடித்து சிதறியது.

புனித ரமலான் மாதத்தினை ஒட்டி நேற்று மாலை முஸ்லிம் மக்கள் நோன்பு துறந்த சற்று நேரத்தில் நிகழ்ந்த கார் வெடிகுண்டு தாக்குதல் சம்பவத்தில் சிக்கி 30 பேர் கொல்லப்பட்டு உள்ளனர். 70 பேர் படுகாயமடைந்துள்ளனர். அவர்களில் பலர் தீவிர சிகிச்சை பெற்று வருகின்றனர். இதனால் பலி எண்ணிக்கை உயர கூடும் என அஞ்சப்படுகிறது.

இந்த குண்டுவெடிப்பு சம்பவத்தில் மருத்துவமனை கட்டிடம் மற்றும் மருத்துவமனையில் நிறுத்தப்பட்டிருந்த ஆம்புலன்ஸ் பலத்த சேதமடைந்தன.

வெடிகுண்டு தாக்குதலில் மருத்துவ துறையை சார்ந்த பலரும் பாதிக்கப்பட்டு உள்ளனர். அவர்களில் பலர் பல்கலைக்கழக நுழைவு தேர்வு எழுதி விட்டு, நோன்பு துறப்பதற்காக மருத்துவமனையை சுற்றியிருந்த சிறிய உணவு விடுதிகளில் சாப்பிடச் சென்றவர்கள்.
வெடிகுண்டு தாக்குதலில் சிக்கி உயிரிழந்துள்ளனர். காயமடைந்தவர்கள் உடனடியாக மீட்கப்பட்டு மருத்துவமனைக்கு கொண்டு செல்லப்பட்டனர்.

புனித ரமலான் மாதத்தில் நிகழ்ந்த இந்த வெடிகுண்டு தாக்குதல் ஆப்கானிஸ்தானில் சோகத்தை ஏற்படுத்தியுள்ளது.

English summary

At least 30 people, including students, have been killed in a car bomb attack in Afghanistan. More than 70 have been killed. The hospital building and ambulances parked at the hospital were severely damaged in the blast.