4வது மாடி பார்க்கிங்கிலிருந்து கீழே பறந்த கார்.. நூலிழையில் உயிர் தப்பிய மூதாட்டி - வீடியோ

அமெரிக்காவில் மாடி பார்க்கிங் கட்டிடம் ஒன்றில் நிறுத்தி வைக்கப்பட்டு இருந்த கார் மாடியில் இருந்து வெளியே வந்து விழுந்துள்ளது.

கலிபோர்னியா: அமெரிக்காவில் மாடி பார்க்கிங் கட்டிடம் ஒன்றில் நிறுத்தி வைக்கப்பட்டு இருந்த கார் மாடியில் இருந்து வெளியே வந்து விழுந்துள்ளது.

4வது மாடியில் இருந்த கார், மாடியில் இருந்து அப்படியே வெளியே வந்துள்ளது. கடைசியில் கீழே விழாமல் அந்த கார் அங்கு இருந்த கம்பிகளில் தொங்கிக் கொண்டுள்ளது.

இந்த புகைப்படங்கள் இணையத்தில் வெளியாகி உள்ளது. இந்த சம்பவம் குறித்து சுவாரசியமான தகவல்கள் வெளியாகி உள்ளது.

Wow, car in DTSM almost took the express exit from 4th floor of 4th Street garage earlier today. https://t.co/me2yfjY0pr #santamonica

— Bennet Kelley (@bennetkelley) June 11, 2018

என்ன ஆனது

பார்க்கிங் கீழே நடந்து சென்று கொண்டிருந்த மக்கள்தான் இந்த விபத்தை கவனித்து இருக்கிறார்கள். மேலே 4வது மாடியில் கார் வெளியே வந்து தொங்கிக் கொண்டிருந்துள்ளது. சரியாக ஒரு மணி நேரம் வரை கார் இப்படியே தொங்கிக் கொண்டிருந்துள்ளது. கீழே இருந்த மக்கள் தீயணைப்பு துறைக்கு புகார் அளித்துள்ளனர்.

INCIDENT ALERT: @santamonicafd is on scene of a vehicle hanging off of the 4th floor of Parking Structure 5 on 1400blk of 4th St. Occupants unharmmed. USAR team is stabilizing vehicle and working to remove from the edge. Please avoid the area. pic.twitter.com/EfwYmaYFcv

— Santa Monica Fire (@santamonicafd) June 11, 2018

கஷ்டம்

அந்த கார் அங்கு இருந்த கேபிள்களில் சிக்கி தொங்கி கொண்டிருந்துள்ளது. பணியாளர்கள் எவ்வளவு கஷ்டப்பட்டும் அந்த வாகனத்தை மீட்க முடியவில்லை. கார் இஞ்சினை நிறுத்த முடியாததால், வாகனத்தை மீட்பது கஷ்டமாக இருந்துள்ளது. காருக்குள் இருந்த நபர் அதற்குள் அடைப்பட்டு இருந்துள்ளார்.

Car dangles from 4th floor of CA parking garage - https://t.co/l4jnnjphb6 pic.twitter.com/I74N2iw4zI

— NBC12 WWBT Richmond (@NBC12) June 12, 2018

காப்பாற்றினார்கள்

கடைசியில் பல மணி நேர போராட்டத்திற்கு பின், தீயணைப்பு படையினர் அந்த காரையும் காரில் இருந்தவரையும் காப்பாற்றி உள்ளனர். அந்த காருக்குள் இருந்தது ஒரு மூதாட்டி என்று கூறப்பட்டுள்ளது. அந்த மூதாட்டிக்கு எந்த விதமான காயமும் ஏற்படவில்லை. அவர் மருத்துவமனையில் சில மணி நேரம் சிகிச்சை பெற்றார்.

எப்படி நடந்தது

அந்த மூதாட்டி காரை நிறுத்தும் போது கால் தவறி ஆக்சிலேட்டரை அழுத்தி இருக்கிறார். இதில் தவறுதலாக கார் வெளியே சென்றுள்ளது. அந்த சுவற்றில் கேபிள் இருந்த காரணத்தால் நூலிழையில் அவர் தப்பித்து இருக்கிறார்.

English summary

Car Hangs From 4th Floor Parking in America, Old lady Driver Hit Accelerator at last minute.