சிகாகோவில் வானவேடிக்கை, டான்ஸ் என்று களைகட்டிய அரசு தீபாவளி கொண்டாட்டம்

சிகாகோ: சிகாகோவில் உள்ள அரோரா அதிகாரப்பூர்வமாக தீபாவளி கொண்டாட்டத்திற்கு ஏற்பாடு செய்த முதல் அமெரிக்க நகரம் ஆகும்.

அமெரிக்காவின் சிகாகோவின் புறநகர் பகுதியான அரோரா நகரில் அரசு சார்பில் தீபாவளி பண்டிகை கொண்டாட்டத்திற்கு ஏற்பாடு செய்யப்பட்டது. அரசு சார்பில் தீபாவளி கொண்டாட்டத்திற்கு ஏற்பாடு செய்யப்பட்டது இதுவே முதல் முறை ஆகும்.

வேலை நாளில் தீபாவளி வருவதால் வார இறுதியில் கொண்டாட்டம் நடைபெற்றது. இந்த நிகழ்ச்சியில் பல்லாயிரக்கணக்கான இந்திய-அமெரிக்கர்கள் கலந்து கொண்டனர். இந்திய நகரங்களின் பாரம்பரிய நடனங்கள், பாலிவுட் பாடல்களுக்கு நடனம் ஆடப்பட்டது.

இந்திய வரலாறு மற்றும் கலாச்சாரம் குறித்த கேள்விகளுக்கு சரியான பதில் அளித்த இந்திய-அமெரிக்க குழந்தைகளுக்கு ரொக்கப்பரிசு வழங்கப்பட்டது. நிகழ்ச்சி நடந்த இடத்திற்கு வெளியே வானவேடிக்கை நடத்தப்பட்டது. நிகழ்ச்சிக்கு அரோரா மேயர் டாம் வீஸ்னர் மற்றும் பிற அரசியல் தலைவர்கள் ஏற்பாடு செய்திருந்தனர்.

நிகழ்ச்சி நடந்த அரங்கிற்குள் பேட்டரி அகல் விளக்குகள் வைக்கப்பட்டிருந்தது பலரையும் கவர்ந்தது. இலினாய்ஸ் மாநிலத்தில் அதிக மக்கள் தொகை உள்ள இரண்டாவது நகரம் அரோரா என்பது குறிப்பிடத்தக்கது. அரோராவில் ஸ்ரீ வெங்கடேஸ்வர ஸ்வாமி(பாலாஜி) கோவில் உள்ளது. அடுத்த ஆண்டு மிகப் பெரிய அளவில் தீபாவளி கொண்டாட்டத்திற்கு ஏற்பாடு செய்வதாக ஏற்பாட்டாளர்கள் தெரிவித்துள்ளனர்.

English summary

The City of Aurora, a suburb of Chicago organized an evening of music, dance and fireworks to celebrate the festival of Diwali. This makes it the first city in the US to officially sponsor the celebration of Diwali, according to the organizers of the event.