டாய்லெட் பேப்பரில் டொனால்ட் டிரம்ப் படம்.. சர்ச்சை பேச்சுக்கு 'பின்விளைவு' காட்டும் சீனா

வாஷிங்டன்: அமெரிக்க அதிபர் தேர்தலில் போட்டியிடும் டொனால்ட் டிரம்ப் மீது சீனர்களுக்கு கடும் கோபம் ஏற்பட்டுள்ளது. டாய்லெட் பேப்பரில் டிரம்ப் போட்டோவை பிரிண்ட் செய்து அதை பயன்படுத்துவதன் மூலம், தங்கள் ஆத்திரத்தை தீர்த்துக்கொள்கிறார்கள். இதனால் டிரம்ப் உருவம் பொரிக்கப்பட்ட டாய்லெட் பேப்பர்களுக்கு டிமாண்டோ, டிமாண்ட் நிலவுகிறதாம்.

அமெரிக்க தேர்தல் களத்தில் பிரசாரம் மேற்கொள்ளும் டொனால்ட் டிரம்ப், அடிக்கடி சர்ச்சை கருத்துக்களை கூறி விமர்சனங்களுக்கு உள்ளாகிவருகிறார். இஸ்லாமியர்கள் குறித்து அவர் தெரிவித்த கருத்துக்கு கண்டன குரல்கள் எழுந்திருந்த நிலையில், சமீபத்தில் சீனா பற்றியும் சர்ச்சைக்குறிய கருத்தை கூறினார்.

அமெரிக்கர்களின் வேலைவாய்ப்பை சீனா பறித்துவிட்டதாகவும், அமெரிக்காவின் பணத்தில்தான் சீனா வாழ்கிறது எந்றும் டிரம்ப் கூறியிருந்தார். இது சீனர்களை கோபப்படுத்தியன் விளைவுதான், மேற்கூறிய டாய்லெட் பேப்பர் ரிவெஞ்ச்.

சீனாவை சேர்ந்த அலிபாபா எனும் ஆன்லைன் போர்ட்டலில், 70க்கும் மேற்பட்ட சீன தயாரிப்பாளர்கள், டிரம்ப் புகைப்படத்துடன் கூடிய டாய்லெட் பேப்பரை விற்பனை செய்து வருகிறார்கள். அமெரிக்காவில் வசிக்கும் சீனர்கள், ஆன்லைனில் அதை வாங்கி, தங்கள் ஆத்திரத்தை டாய்லெட்டில் தீர்த்துக்கொள்கிறார்கள்.

சீனர்கள் மட்டுமில்லை, அமெரிக்காவை சேர்ந்தவர்களில் டிரம்ப்பை பிடிக்காத பிரிவினரும் இந்த டாய்லெட் பேப்பரை வைத்து பழி வாங்கிக்கொண்டுள்ளனர். அதில் ஒருவர்தான், அமெரிக்க மகளிர் கால்பந்தாட்ட அணி வீராங்கனை சிட்னி லெரோக்ஸ்.

தனது கணவர் டிரம்ப் டாய்லெட் பேப்பரை வாங்கியுள்ளதாகவும், தனக்கு இது மிகவும் பிடிக்கும் எனவும் கூறியுள்ள, சிட்னி லெரோக்ஸ் அந்த பேப்பர் படத்தை இன்ஸ்டாகிராமில் பகிர்ந்துள்ளார். டிரம்ப் எதிர்ப்பாளர்கள் செயல்பாடுகள் இன்னும் எங்கு சென்று நிற்குமோ பொறுத்திருந்துதான் பார்க்க வேண்டும்.

English summary

Angered by Donald Trump’s allegations that China stole American jobs and profited out of US markets, Chinese manufacturers are selling toilet papers in the US with facial expressions of the controversial presumptive Republican presidential nominee, state media reported today.