கட்டிக்கப் போற பொண்ணுக்கு பெட்டி பெட்டியா ரூ.9 கோடி பணம் அனுப்பிய சீனர்

ஷாங்காய்: சீனாவில் தான் திருமணம் செய்யப் போகும் பெண்ணுக்கு ஒருவர் பல பெட்டிகளில் அடைத்து ரூ.9 கோடி பணத்தை அனுப்பி வைத்துள்ளார்.

சீனாவின் கிழக்கு மாகாணமான ஜெஜியாங்கைச் சேர்ந்த பணக்கார வீட்டைச் சேர்ந்த ஒருவருக்கு பணக்கார பெண்ணுடன் திருமணம் நிச்சயமாகியுள்ளது. சீனாவின் சில பகுதிகளில் திருமணம் நிச்சயிக்கப்பட்ட பெண்ணுக்கு பரிசுகள் வழங்குவது வழக்கம். இந்நிலையில் அந்த பணக்கார வாலிபர் தனக்கு நிச்சயிக்கப்பட்ட பெண்ணுக்கு மூங்கிலால் ஆன பல பெட்டிகளில் ரூ.9 கோடி ரொக்கத்தை வைத்து அனுப்பியுள்ளார்.

இந்த பெட்டிகளை 18 பேர் அந்த பெண்ணின் வீட்டிற்கு ஊர்வலமாக தூக்கிச் சென்றுள்ளனர். ஊர்வலத்தில் மாசராட்டி ஸ்போர்ட்ஸ் கார் உள்பட பல சொகுசு வாகனங்கள் சென்றுள்ளன.

கம்யூனிச நாடான சீனாவில் வருங்கால மனைவிக்கு கோடி கோடியாய் ஒருவர் பணம் அனுப்பி வைத்துள்ளது பலரின் புருவங்களையும் உயர்த்தியுள்ளது.

English summary

A Chinese man has sent Rs. 9 crore in cash to his future bride as his gift. 18 porters carried the bamboo baskets filled with cash.