சீனாவில் கேரண்டிக்காக பெண்களின் நிர்வாண போட்டோவை கேட்கும் கடன்காரர்கள்
பெய்ஜிங்: சீனாவில் ஆன்லைன் மூலம் கடன் கொடுக்கும் நபர்கள் கேரண்டி கையெழுத்துக்குப் பதிலாக பெண்களிடம் அவர்களின் நிர்வாண புகைப்படங்களை கேட்டு வாங்குகிறார்கள்.
சீனாவில் ஆல்னைல் மூலம் சிலர் கடன் கொடுத்து வருகிறார்கள். அவர்கள் தங்களிடம் கடன் கேட்கும் பெண்களிடம் கேரண்டி கையெழுத்துக்குப் பதிலாக நிர்வாண புகைப்படங்களை கேட்கிறார்கள் என உள்ளூர் மீடியாக்கள் செய்தி வெளியிட்டுள்ளன.
நிர்வாண புகைப்படங்களுடன் ஐடி கார்டுகளையும் வாங்கி வைத்துக் கொள்கிறார்களாம். கடனை குறிப்பிட்ட நேரத்தில் திருப்பிக் கொடுக்காவிட்டால் நிர்வாண புகைப்படங்களை இணையதளத்தில் வெளியிட்டுவிடுவோம் என மிரட்டுகிறார்களாம்.
மானம் போய்விடுமே என்ற பயத்தில் கடன் வாங்கிய பெண்கள் அந்த நபர்கள் கேட்கும் வட்டியை கட்டுவதாக தகவல் வெளியாகியுள்ளது. வேறு வழியில்லாமல் கடன் வாங்கும் பெண்களின் மானத்தோடு விளையாடும் நபர்கள் மீது நடவடிக்கை எடுக்கப்பட வேண்டும் என்று மக்கள் எதிர்பார்க்கிறார்கள்.
இந்த சம்பம் பலரையும் அதிர்ச்சி அடைய வைத்துள்ளது என்பது குறிப்பிடத்தக்கது.