நன்றி கடவுளே.. நன்றி நர்ஸுகளே... முதுகு ஆபரேஷன் முடிந்ததும் ஸ்டேட்ஸ் போட்ட கிறிஸ் கெய்ல்!
ஜமைக்கா: முதுகு வலிக்கான ஆபரேஷனிலிருந்து மீண்டுள்ளார் மேற்கு இந்தியத் தீவுகளின் அதிரடி கிரிக்கெட் புயல் கிறிஸ் கெய்ல். சில மாதம் ஓய்வெடுக்கப் போகும் அவர் தான் நலம் பெற்று வருவதற்காக பிரார்த்தித்த அனைவருக்கும், மருத்துவமனையில் தன்னிடம் அடிக்கடி ஜோக் சொல்லி தன்னை உற்சாகமாக வைத்துக் கொண்ட நர்ஸுகளுக்கும் நன்றி கூறியுள்ளார்.
முதுகு வலியால் அவதிப்பட்டு வந்தார் கிறிஸ் கெய்ல். இதுதொடர்பாக டாக்டர்களிடம் அவர் ஆலோசனை கேட்டபோது அறுவைச் சிகிச்சைக்கு டாக்டர்கள் பரிந்துரைத்தனர்.
இதையடுத்து 3 - 4 மாதங்களுக்கு தான் கிரிக்கெட்டிலிருந்து விலகியிருக்கப் போவதாகவும், முதுகு வலிக்கான அறுவைச் சிகிச்சையை மேற்கொள்ளப் போவதாகவும் அறிவித்தார்.
ஜமைக்காவில் ஆபரேஷன்
இதையடுத்து அவருக்கு ஜமைக்காவில் உள்ள ஒரு மருத்துவமனையில் அறுவைச் சிகிச்சை நடந்தது. அறுவைச் சிகிச்சை வெற்றிகரமாக நடந்து முடிந்துள்ளது.
|
நன்றி நன்றி
இதையடுத்து டிவிட்டரிலும்,. பேஸ்புக்கிலும் ஆபரேஷன் முடிந்து விட்டதாக கூறி டிவிட் போட்டுள்ளார் கெய்ல். அதில் தனக்காக பிரார்த்தித்த அனைவருக்கும் நன்றி கூறியுள்ளார்.
கடவுளே..
இதுகுறித்து அவர் போட்டுள்ள டிவிட்டில், முதலில் கடவுளுக்குத்தான் நன்றி சொல்ல வேண்டும். எல்லாம் நல்லபடியாக போனது. டாக்டர் கிங்ஸ்லி சின்னுக்கும் அவரது குழுவுக்கும் நன்றி. அவர்களால்தான் இது சாத்தியமானது. டாக்டர் ஜேசன், டாக்டர் பென்ங்கிள், செய்லி ஆகியோருக்கும் நன்றி. எனது கேர்ள்பிரண்ட் நதாஷா, தம்பி லின்டன், நண்பன் நிக்கோலஸ் ஆகியோரைப் பார்த்தேன். அனைவருக்கும் நன்றி. மயக்கமாக இருக்கிறது, பிறகு பேசுகிறேன் என்று கூறியுள்ளார் கெய்ல்.
அந்த நர்ஸ் நல்லா ஜோக் சொன்னார்
டிவிட்டரில் அவர் போட்டுள்ள இன்னொரு டிவிட்டில் தன்னை நன்றாகப் பார்த்துக் கொண்ட நர்ஸுகளுக்கும் பெயர் குறிப்பிட்டு தேங்ஸ் சொல்லியுள்ளார் கெய்ல். இதுகுறித்து அவர் கூறுகையில், இரவு டூட்டு நர்ஸ்களிடமிருந்து சிறப்பு பராமிப்பு கிடைக்கிறது. குறிப்பாக ஓஜோல்லம். செமையாக ஜோக் சொல்கிறார். ப்யூர் ஜோக்ஸ்தான். எல்லோரும் சேர்ந்து என் மூளையை பறிக்கப் பார்க்கிறார்கள் என்று ஜாலியாக குறிப்பிட்டுள்ளார். (உடம்புக்கு முடியாட்டியும் கெய்ல் புல் பார்ம்தான் போல எப்பவுமே)
டிசம்பரில்தான் விளையாட வருவார்
ஆபரேஷனுக்குப் பின்னர் நன்கு ஓய்வெடுக்கப் போகும் கிறிஸ் கெய்ல் டிசம்பர் மாத வாக்கில்தான் விளையாட வருவார் என்று எதிர்பார்க்கப்படுகிறது. அதுவரை நல்ல ஓய்வை அவர் எடுக்கப் போகிறார்.
Click it and Unblock the Notifications
Sign in with Google