'பெர்மிஷனில்' போன ராகுல் காந்தி.. கொலரோடவில் இருக்கும் போட்டோவை வெளியிட்டது காங்கிரஸ்

ஆஸ்பென்: தீவிர அரசியலிலிருந்து திடீர் பெர்மிஷனில் போயுள்ள காங்கிரஸ் துணைத் தலைவர் ராகுல் காந்தி அமெரிக்காவின் ஆஸ்பென் என்ற சுற்றுலாத் தளத்தில் ஒரு கூட்டத்தில் பங்கேறுள்ள படத்தை காங்கிரஸ் கட்சி வெளியிட்டுள்ளது.

பீகார் சட்டசபைத் தேர்தல் பிரசாரத்தில் ராகுல் காந்தி கலந்து கொள்ளக் கூடாது. கலந்து கொண்டால் காங்கிரஸுக்கு பிரச்சினை வரும் என்று கருதியே அவரை லீவில் அனுப்பி வைத்து விட்டது காங்கிரஸ் என்று பாஜக கிண்டலடித்து வரும் நிலையில் அதை மறுத்து அவர் ஒரு கூட்டத்தில் கலந்து கொள்வதற்காக அமெரிக்கா போயுள்ளதாக காங்கிரஸ் வட்டாரம் கூறியிருந்தது.

Very interesting discussions on the global economy &the disruptive power of tech at the conference in Aspen pic.twitter.com/F3emxEQwj4

— Office of RG (@OfficeOfRG) September 28, 2015

இந்த நிலையில் அவர் ஒரு மலைவாசஸ்தல சுற்றுலாத் தலத்தில் இருப்பது போன்ற படத்தை காங்கிரஸ் வெளியிட்டுள்ளது. இந்தப் படத்தை ராகுல் காந்தியின் அலுவலகம் வெளியிட்டுள்ளது.

இதுகுறித்து ராகுல் காந்தி அலுவலகம் வெளியிட்டுள்ள டிவிட்டில், ஆஸ்பென் நகரில் நடைபெறும் உலக பொருளாதாரம் மற்றும் தொழில்நுட்பத்தின் சக்தி குறித்த மாநாட்டில் சுவாரஸ்யமான விவாதத்தில் ராகுல் காந்தி என குறிப்பிடப்பட்டுள்ளது.

கொலரோடாவில் உள்ள நகரம்தான் ஆஸ்பென். அங்கு நியூ மீடியா மற்றும் சர்வதேச மாநாட்டு விவகாரங்கள் என்ற தலைப்பில் நடந்து வரும் மாநாட்டில் ராகுல் காந்தி கலந்து கொண்டிருப்பதாக தெரிகிறது.

தற்போது பிரதமர் மோடி அமெரிக்காவில் இருந்து வரும் நிலையில் ராகுல் காந்தியும் அங்கு முகாமிட்டிருப்பது குறிப்பிடத்தக்கது.

English summary

The Congress party has put some Tweet pics of Rahul Gandhi in his official Twitter page.