உலகம் முழுவதும் கொரோனாவால் 108,770 பேர் உயிரிழப்பு, பாதிப்பு 1,779,099 ஆக உயர்வு

ஜெனிவா: கொரோனா வைரஸ் தொற்றால் இதுவரை 108770 பேர் உலகம் முழுவதும் உயிரிழந்துள்ளனர். கொரோனா வைரஸ் தொற்றால் உலகம் முழுவதும் 1779099 பேர் பாதிக்கப்பட்டுள்ளனர்.

கடந்த ஆண்டு டிசம்பர் மாதம் சீனாவின் ஹுபே மாகாணம் வூஹான் நகரில் கண்டறியப்பட்ட கொரோனா நோய் தொற்றால் உலகம் முழுவதும் பலியானோர் எண்ணிக்கை ஞாயிற்றுக்கிழமை அதிகாலை நிலவப்படி 108770 பேர் உயிரிழந்துள்ளனர். மேலும் உலகம் முழுவதும் 220க்கும் மேற்பட்ட நாடுகளில் 1779099 பேர் பாதிக்கப்பட்டுள்ளனர். உலகம் முழுவதும் கொரோனா வைரஸ் தொற்றால் பாதிக்கப்பட்ட 402709 பேர் குணடைந்தனர்

கொரோனாவால் உலகிலேயே நேற்று மிக அதிகமாக அமெரிக்காவில் 1830 பேர் உயிரிழந்தனர். இதன் மூலம் அமெரிக்காவில் கொரோனாவுக்கு பலியானவர்களின் எண்ணிக்கை 20577 ஆக உயர்ந்தது. பிரிட்டனில் நேற்று ஒரே நாளில் 917 பேர் உயிரிழந்தனர். இதுவரை பிரிட்டனில் கொரோனாவால் 9875 பேர் பலியாகி உள்ளனர்.

பிரான்சில் நேற்று ஒரே நாளில் 635 பேரும், இத்தாலில் 619 பேரும், ஸ்பெயினில் 525 பேரும் பெல்ஜியத்தில் 327 பேரும், ஜெர்மெனியில் 135 பேரும் நேற்று உயிரிழந்தனர்.

ஸ்பெயின் மற்றும் இத்தாலியில் உயிரிழப்புகள் குறைந்து வரும் நிலையில் அமெரிக்கா மற்றும் பிரிட்டனில் உயிரிழப்புகள் அதிவேகமாக அதிகரித்து வருகிறது.

இந்த புள்ளி விவரம் என்பது நாடுகள் மற்றும் உலக சுகாதார அமைப்பு தரும் தகவல்களின் அடிப்படையில் சேகரிக்கப்பட்டது. உண்மையில் சர்வதேச அளவில் உயிரிப்பும், பாதிக்கப்பட்டோர் எண்ணிக்கையும் மிக அதிகமாகவே இருக்கும் என கருதப்படுகிறது.

English summary

coronavirus death toll in world rises to 108,770; Coronavirus Cases 1,779,099 . ACTIVE CASES 1,267,620. The coronavirus COVID-19 is affecting 210 countries and territories around the world and 2 international conveyances.