பீர் விளம்பரத்திற்கு ஒரு நகரம்!- அமெரிக்காவில் வினோதம்

சினிமாவிற்கு செட் போட்டு பார்த்திருப்போம், சீரியலுக்கு செட் போட்டு பார்த்திருப்போம். ஆனால் பீர் விளம்பரத்திற்காக அமெரிக்காவின் கொலராடோ மாகாணத்தில் உள்ள க்ரெஸ்டட் பட் என்ற நகரத்தையே வாடகைக்கு எடுத்துள்ளனர்

அமெரிக்காவில் உள்ள பிரபல பீர் தயாரிப்பு நிறுவனம் அன்ஹியூசர் புஷ். இது தனது நிறுவனத் தயாரிப்பு பீர்களை விளம்பரம் செய்ய நினைத்தது. அதற்காக க்ரெஸ்டட் பட் நகரத்தைத் தேர்வு செய்தது.

இங்கு இந்த‌ வார இறுதியில் பீர் விளம்பரக் காட்சி தயாரிக்கப்பட இருக்கிறது.

5 லட்சம் டாலர்

இந்த விளம்பரத்தை காட்சிப்படுத்துவதற்காக, இந்நகர நிர்வாகத்துக்கு 5 லட்சம் அமெரிக்க டாலர்கள் (சுமார் ரூ.3 கோடி) கட்டணமாக வழங்கப்பட்டுள்ளன. நிர்வாகத்துக்கும் நிறுவனத்துக்கும் இடையிலான இந்த ஒப்பந்தம் ரகசியமாக நடந்துள்ளது.

மாறும் நகரம்

விளம்பரத்திற்கு ஏற்றாற் போல ஆங்காங்கே 'செட்'களும் போடப்பட்டுள்ளன. தவிர, க்ரெஸ்டட் பட் எனும் பெயர் விளம்பரத்துக்காக 'வாட் எவர் யு.எஸ்.ஏ.' என்று மாற்றப்பட இருக்கிறது.

1000 இளைஞர்கள்

விளம்பரத்திற்காக வெளி நகரங்களில் இருந்து சுமார் 1,000 இளைஞர்களை இந்நகரத்துக்கு வரவழைத்துள்ளது அந்நிறுவனம்.

ரொம்ப கேவலமா இருக்கே....

இதன் மூலம் இந்நகரத்தில் உள்ளவர்களுக்கு வேலை வாய்ப்பு கிடைக்கும், வருமானம் வளரும் என்று நிர்வாகம் சாக்குப்போக்குகள் சொன்னாலும், இந்த விளம்பர ஒப்பந்தம் கேவலமானது என்று நகர மக்கள் துப்புகிறார்களாம்.

English summary

Up for whatever? For some in the tiny and tony Colorado resort town of Crested Butte, that would be a no. They aren’t too thrilled with a virtual takeover by Anheuser-Busch this weekend to film an over-the-top commercial for Bud Light beer and its "Up for Whatever" ad campaign.