"எசகுப்பிசகான" 'பிகினி'யால் அழகிப் பட்டத்தை இழந்த கொலம்பிய பெண்
பொகோடா: மிஸ் ஆன்டியோகியா பட்டம் வென்ற பவோலா பியூல்ஸ் அரிஸ்ட்சபல் ஒரு மார்க்கமான பிகினி அணிந்த போட்டோக்கள் இணையதளத்தில் வேகமாக பரவியதை அடுத்து அவரின் அழகி பட்டம் பறிக்கப்பட்டது.
கொலம்பியாவில் உள்ள ஆன்டியோகியா மாநிலத்தில் நடந்த அழகிப் போட்டியில் பவோலா பியூல்ஸ் அரிஸ்ட்சபல் பட்டம் வென்றார். பிகினியே குறைவான துணி கொண்டது. அதில் பவோலா மிகவும் குறைவான துணி கொண்ட பிகினியை அணிந்து எடுத்த போட்டோக்கள் இணையதளத்தில் வேகமாக பரவின. இதையடுத்து அவரின் அழகிப்பட்டம் திரும்பப் பெறப்பட்டது.
இது குறித்து பவோலா கூறுகையில்,
இது நியாயமே இல்லை. அந்த போட்டோக்கள் கடந்த 2 ஆண்டுகளாக இணையதளங்களில் உள்ளன. அப்படி இருக்கையில் அதை காரணம் காட்டி என் பட்டத்தை பறித்துள்ளனர் என்றார்.
பவோலா அழகிப்பட்டம் வென்றதும் அந்த போட்டியில் தோல்வி அடைந்த ஒருவர் மறுநாளே பாலோவின் அதிகவர்ச்சி போட்டோக்களை இணையதளத்தில் கசியவிட்டுள்ளார். அந்த போட்டோக்கள் விதிமுறைகளை மீறியதாக உள்ளது என்று கூறி பாலோவின் அழகிப் பட்டம் பறிக்கப்பட்டுள்ளது.
Click it and Unblock the Notifications
Sign in with Google