நீ ஜெயிக்கனும்... "வைரல்" ஆன டென்னிஸ் வீரரின் காதலியின் வீடியோ!

லண்டன்: விம்பிள்டன் ஆடவர் ஒற்றையர் பட்டத்தை ரோஜர் பெடரர் வெல்வார் என பலரும் எதிர்பார்த்திருந்த நிலையில் பெடரரை அரை இறுதியுடன் அனுப்பி வைத்து ஷாக் கொடுத்தார் கனடாவின் மிலஸ் ரவோனிக். ஆனால் இறுதிப் போட்டியில் ஆண்டி முர்ரேவிடம் வீழ்ந்தார் ரவோனிக். ஆனால் ரவோனிக்கின் வெற்றிக்காக அவரது காதலி டேணியல் நட்சன் விடுத்திருந்த வீடியோ செய்தி வைரலாகி விட்டது.

காதலர் ரவோனிக்கின் முக்கியப் போட்டிகளில் அவருடன் இருக்கத் தவறாதவர் டேணியல். ஆனால் விம்பிள்டன் இறுதிப் போட்டிக்கு அவரால் வர முடியவில்லை.

பிசியான மாடல் அழகியான டேணியல், ஒரு அசைன்மென்ட்டுக்காக போக நேரிட்டதால் விம்பிள்டன் இறுதிப் போட்டியைப் பார்க்க முடியாத நிலை ஏற்பட்டது.

கவர்ச்சி மாடல்

உலகின் கவர்ச்சிகரமான மாடல் அழகிகளில் ஒருவராக வலம் வருகிறார் டேணியல் நட்சன். இவர்தான் மிலஸ் ரவோனிக்கின் தற்போதைய காதலி ஆவார்.

ஓருயிர் ஈருடல்

இருவரும் ஓருயிர் ஈருடலாக பழகி வருகின்றனர். ரவோனிக்கின் முக்கியப் போட்டிகளில் கண்டிப்பாக ஆஜராகி விடுவார் டேணியல். ஆஸ்திரேலிய ஓபன் போட்டியில் நான்காவது சுற்றில் வாவ்ரிங்காவை ரவோனிக் வீழ்த்திய போட்டியையும் அவர் நேரில் கண்டு ரவோனிக்கை உற்சாகப்படுத்தினார்.

பெடரர் போட்டி மிஸ்

ஆனால் விம்பிள்டன் போட்டிகளை அவரால் பார்க்க வர முடியவில்லை. குறிப்பாக பெடரரை, ரவோனிக் வீழ்த்திய வரலாற்றுச் சிறப்பு வாய்ந்த போட்டிக்கும், இறுதிப் போட்டிக்கும் அவரால் வர முடியவில்லை.

ஜெயிக்கனும் ரவோனிக்

இருப்பினும் இறுதிப் போட்டியில் ரவோனிக் வெல்ல வாழ்த்து தெரிவித்து ஒரு வீடியோ செய்தியை அனுப்பியிருந்தார் டேணியல். அதில் உன்னால் முடியும். நான் திரையில் பார்த்து ரசிப்பேன் என்று கூறியிருந்தார் டேணியல். ஆனால் துரதிர்ஷ்டவசமாக இப்போட்டியில் ரவோனிக் தோற்றுப் போய் விட்டார்.

அதனால் என்ன உலகம் முழுவதும் ரவோனிக்கைப் போலவே அவரது காதலியும் பிரபலமாகி விட்டார்.. அவரது வீடியோவும் வைரல் ஆகி விட்டது.

English summary

The current girl friend of tennis player Raonic, Danielle Knudson's video message has gone viral. She had wished Raonic in her message.