அழகுதேவதை ‘டயானா’வின் வெள்ளை கவுன் ரூ 86 லட்சத்துக்கு ஏலம்
லண்டன்: மறைந்த இங்கிலாந்து இளவரசி டயானாவின் ஆடை ஒன்று எண்பத்தாறு லட்ச ரூபாய்க்கு ஏலத்தில் எடுக்கப்பட்டுள்ளது.
இங்கிலாந்து ராணி எலிசபெத்தின் மகனான இளவரசர் சார்லசின் மனைவியும், இளவரசர் வில்லியம்ஸ்ன் தாயாருமான டயானா ஆடை அலங்கார விஷயத்தில் மிகவும் பிரபலம்.
எதிர்பாராதவிதமாக கார் விபத்தொன்றில் சிக்கி அகால மரணமடைந்தார் டயானா. ஆனபோதும், அவரது பொருட்களுக்கு இன்னமும் மதிப்பு இருகிறது என்பதை நிரூபிப்பது போல், அவரது ஆடை ஒன்று சுமார் 86 லட்ச ரூபாய்க்கு ஏலத்தில் விற்கப்பட்டுள்ளது.
டயானா....
பிரபல ஆடை நியுணர்களான டேவிட் மற்ரும் எலிசபெத் இமானுவேல் ஆகியோர் வடிவமைத்திருந்த அந்த உடை அழகிய கவுன் ஆகும்.
அழகிய கவுன்....
தூய வெள்ளை நிறத்திலான அந்த கவுன் வைரம், கிரிஸ்டல், தங்கம், முத்து போன்றவை சேர்க்கப்பட்டு அழகூட்டப் பட்டிருந்தது.
அறிமுக விழா...
ஜேம்ஸ்பாண்டின் இன் தி லிவிங் டே லைட்ஸ் என்ற படம் வெளிவந்தபோது அதன் அறிமுக நிகழ்ச்சியில் கலந்து கொண்ட டயானா, அப்போது இந்த கவுனைத் தான் அணிந்து வந்திருந்தார்.
பிரபல கவுன்....
இதுபோல் பல நிகழ்ச்சிகளிலும் அவர் இந்த வெள்ளை நிற உடையை அணிந்து வலம் வந்துள்ளார். மிகவும் பிரபலமானது இந்தக் கவுன்.
கோடியில் ஒருத்தி....
தற்போது இந்தக் கவுனை லண்டனில் உள்ள ஏல நிறுவனம் ஒன்று ஏலத்துக்கு விட்டது. அதை ஒருவர் ஒரு லட்டத்து 40 ஆயிரம் டாலருக்கு ஏலம் எடுத்துள்ளார். அதாவது அதன் இந்திய மதிப்பு சுமார் 86 லட்சத்து 34 ஆயிரத்து அறுநூற்று நாற்பது ரூபாய் ஆகும்.
Click it and Unblock the Notifications
Sign in with Google