மோடியிடம் கை குலுக்கிய பின்னர் கையைத் துடைச்சுக்கிட்டாரமே சத்யா நாதெள்ளா?.. வைரலாகும் வீடியோ

சான் ஜோஸ்: அமெரிக்காவில் சுற்றுப்பயணம் செய்து வரும் இந்திய பிரதமர் மோடியை, மைக்ரோ சாப்ட் சிஇஓ சத்யா நாதெள்ளா சந்தித்து போது, மோடியை அவமதிக்கும் வகையில் நடந்துகொண்டார் என்று செய்தி பரவி வருகிறது. மோடியுடன் கை குலுக்கிய பின்னர் தனது கைகளை சத்ய நாதெள்ளா துடைத்துக்கொள்ளும் வீடியோ வைரலாகி வருகிறது.

இந்திய பிரதமர் நரேந்திர மோடி 6 நாள் பயணமாக அயர்லாந்து மற்றும் அமெரிக்க நாடுகளுக்கு சுற்றுப்பயணம் மேற் கொண்டார். அமெரிக்காவில் இந்திய பிரதமர் மோடிக்கு ஒரு விருந்து ஏற்பாடு செய்யப்பட்டது. இந்த விருந்து நிகழ்ச்சியில் மைக்ரோ சாப்ட் நிறுவன தலைமைச்செயல் அதிகாரி சத்யா நாதெள்ளா உள்ளிட்டோர் பங்கேற்றனர்.

மோடியை சந்தித்து அவரிடம் அறிமுகம் செய்து கொண்டு கைகுலுக்கும் சத்யா நாதெள்ளா, பின்னர் தனது கைகளை துடைத்துக் கொள்கிறார். இந்த காட்சிகள் கொண்ட வீடியோ சமூக வலைத்தளங்களில், பரவி கடும் விமர்சனத்தை ஏற்படுத்தியுள்ளது. மேலும், வடமாநில தொலைக்காட்சிகளிலும் இது பற்றிய செய்திகள் ஒளிபரப்பப்படுகிறது.

சத்ய நாதெள்ளாவின் இந்த செயல் மோடியை அவமானப்படுத்தி விட்டதாகவும் வட இந்திய ஊடகங்களில் செய்திகள் வெளியாகியுள்ளன.

English summary

A video which has gone viral on social media shows the Microsoft CEO wiping off his palms after shaking hands with PM Modi.