'செத்துப்போ': மருத்துவமனையில் நோயாளியைப் பார்த்து கூறிய கடிகாரம்

லண்டன்: இங்கிலாந்தில் உள்ள மருத்துவமனையில் சிகிச்சை பெறும் நோயாளி ஒருவர் அங்குள்ள கடிகாரம் தன்னை சாகுமாறு கூறுவதாக கடந்த செவ்வாய்கிழமை தெரிவித்துள்ளார்.

இங்கிலாந்தின் யார்க்ஷயரில் உள்ள ஷெப்பீல்டில் செயல்பட்டு வருகிறது ராயல் ஹாலம்ஷயர் மருத்துவமனை. அந்த மருத்துவமனையில் சிகிச்சை பெற்று வரும் நோயாளி ஒருவரைப் பார்த்து செத்துப்போ என்று கடிகாரம் தெரிவித்துள்ளது.

மருத்துவமனை சுவரில் மாட்டப்பட்டிருக்கும் ஜெர்மன் கடிகாரம் செத்துப்போ என்று கூறியதை நாங்களும் கேட்டோம் என்று ஸ்டூவர்ட் கார்டர் மற்றும் பியோனா பாத்ராப் ஆகிய மருத்துவர்கள் தெரிவித்துள்ளனர்.

டயன்ஸ்டாக் என்றால் ஜெர்மானிய மொழியில் செவ்வாய்கிழமை என்று அர்த்தம். அதன் சுருக்கத்தை தான் அந்த கடிகாரம் டை என்று தெரிவித்துள்ளது. அதன் பிறகு கடிகாரம் ஆங்கில மொழிக்கு மாற்றப்பட்டது என்று அந்த மருத்துவர்கள் தெரிவித்தனர்.

ஆங்கிலத்திற்கு மாற்றப்பட்ட பிறகு கடிகாரம் ட்யூ என்று தெரிவித்துள்ளது. அதாவது ட்யூஸ்டே(செவ்வாய்கிழமை) என்பதன் சுருக்கம்.

English summary

A patient at a British hospital was shocked as the clock in his ward told him to die.