பறக்கும் பந்து பறக்கும்.. டொக்.. டொக்... செரீனாவுடன் சேர்ந்து ”ஆடிய” ஜோகோவிக்

Updated: Tuesday, July 14, 2015, 16:55 [IST]

Subscribe to Oneindia Tamil

லண்டன்: 2015 ஆம் ஆண்டு விம்பிள்டன் சாம்பியன்கள் ஆன செரீனா வில்லியம்ஸும், நோவாக் ஜோகோவிக்கும் இணைந்து நடனம் ஆடி கலகலப்பை ஏற்படுத்தியுள்ளனர்.

நடப்பு ஆண்டுக்கான விம்பிள்டன் மகளிர் ஒற்றையர் சாம்பியனாக அமெரிக்காவின் செரீனா வில்லியம்ஸ் வென்றுள்ளார். அதேபோல ஆடவர் ஒற்றையர் சாம்பியனாக செர்பியாவின் ஜோகோவிக் வென்றுள்ளார்.

இந்த இரு சாம்பியன்களும் போட்டித் தொடர் முடிவுக்குப் பின்னர் நடந்த விருந்து நிகழ்ச்சியில் இணைந்து நடனமாடி அனைவரையும் மகிழ்வித்தனர்.

வெற்றி பெற்ற சாம்பியன்கள்:

வி்ம்பிள்டன் பால் எனப்படும் அந்த நிகழ்ச்சியானது, விம்பிள்டனில் வெல்லும் சாம்பியன்களுக்காக நடத்தப்படும் ஒரு வழக்கமான நிகழ்ச்சியாகும். இதில் விம்பிள்டன் டென்னிஸ் போட்டியில் அனைத்துப் பிரிவுகளிலும் வென்ற சாம்பியன்கள் கலந்து கொள்வார்கள்.

நான் ஒரு டிஸ்கோ டான்ஸர்:

இருப்பினும் இதில் இதுவரை யாரும் நடனம் ஆடியதாக தகவல் இல்லை. இந்த நிலையில் இந்த ஆண்டு வெற்றியாளர்களில் இருவரான செரீனாவும், ஜோகோவிக்கும் இணைந்து டிஸ்கோ நடனமாடி அனைவரையும் கலகலக்க வைத்தனர்.

பட்டையைக் கிளப்பிய ஜோடி:

அருமையான டக்ஸிடோ மற்றும் எலிகென்ட் கெளன் போட்டு ஜோகோவிக்கும், செரீனாவும் சூப்பராக டான்ஸ் ஆடினார்கள். கிளப் ஸ்டைல் டான்ஸ் அது. கைத்தட்டல், இடுப்பு ஆட்டல் என டான்ஸ் பட்டையைக் கிளப்பியது.

ஒரே பாராட்டுதான்:

ஹாலிவுட் நடிகர் ஜான் டிராவோல்டோ போலவும் ஸ்டெப் வைத்து அசத்தினார் ஜோகோவிக். ஒரு கட்டத்தில், செரீனாவின் ஆட்டத்தைப் பார்த்து முழங்கால் இட்டு பாராட்டினார் ஜோகோவிக்.

கெமிஸ்ட்ரி இல்லைங்கோவ்:

இருவருக்கும் இடையே கெமிஸ்ட்ரி அவ்வளவு பிரமாதமாக இல்லை என்ற போதிலும் நடனத்தில் இருவரும் அசத்தி விட்டனர்.

வெட்கப் பட்ட செரீனா:

முன்னதாக தான் செரீனாவுடன் இணைந்து ஆட விரும்புவதாக ஜோகோவிக் கூறியபோது செரீனாவுக்கு வெட்கம் வந்து விட்டது. செரீனா பல சாதனைகளுக்குச் சொந்தக்காரர், இந்த முறையும் அவர் புதிய சாதனைகளைப் படைத்துள்ளார். எனவே அவருடன் இணைந்து ஆட விரும்புகிறேன் என்று கூறினார் ஜோகோவிக். அதை செரீனா பின்னர் ஏற்றுக் கொண்டு ஆட முன் வந்தார்.