ஒபாமாவின் காபி எப்படி இருக்கும்?: ஜோக்கடித்து பிரச்சனையில் சிக்கிய இஸ்ரேல் அமைச்சரின் மனைவி

ஜெருசலம்: அமெரிக்க அதிபர் ஒபாமாவின் காபி பற்றி தெரியுமா என்று மொக்கை ஜோக்கடித்து மன்னிப்பு கேட்டுள்ளார் இஸ்ரேலிய உள்துறை அமைச்சர் சில்வன் ஷாலோமின் மனைவி.

இஸ்ரேலின் உள்துறை அமைச்சர் சில்வன் ஷாலோமின் மனைவி ஜூடி ஷாலோம் நிர்-மோசஸ். அவர் ட்விட்டரில் அமெரிக்க அதிபர் பாரக் ஒபாமா பற்றி ஜோக் ஒன்றை வெளியிட்டார்.

ஒபாமாவின் காபி பற்றி உங்களுக்கு தெரியுமா? அது கருப்பு மற்றும் வீக்கானது என்று ட்வீட் செய்தார். அவரது ட்வீட்டை பார்த்த பலரும் கண்டனம் தெரிவித்ததால் அதை அழித்துவிட்டார்.

President Obama I shouldnt have written the inappropriate joke I heard. I like people no matter about their race and religion.

— Judy Mozes (@JudyMozes) June 21, 2015

அதன் பிறகு ஜூடி ட்விட்டரில் ஒபாமாவிடம் மன்னிப்பு கேட்டுள்ளார். இது குறித்து அவர் ட்விட்டரில் கூறியிருப்பதாவது,

அதிபர் ஒபாமா, நான் கேள்விப்பட்ட ஜோக்கை எழுதியிருக்கக் கூடாது. இனம், மதத்தை தாண்டி எனக்கு மக்களை பிடிக்கும்.

I apologize, that was a stupid joke somebody told me.

— Judy Mozes (@JudyMozes) June 21, 2015

யாரோ என்னிடம் கூறிய முட்டாள்தனமான ஜோக் அது. நான் மன்னிப்பு கேட்டுக் கொள்கிறேன் என்று தெரிவித்துள்ளார் ஜூடி.

இஸ்ரேலில் அதிகம் விற்பனையாகும் எடியட் அஹாரோனட் எனும் நாளிதழை வெளியிடும் மோசஸ் குடும்பத்தைச் சேர்ந்தவர் ஜூடி. அவர் ரேடியோவில் வாராந்திர நிகழ்ச்சியை நடத்துவதுடன் பல்வேறு டிவி நிகழ்ச்சிகளிலும் கலந்து கொண்டு வருகிறார் என்பது குறிப்பிடத்தக்கது.

English summary

Israeli interior minister Silvan Shalom's wife Judy tweeted an inappropriate joke about US president Obama on twitter and later appologised for it.