அது ஏன்.. ரொம்ப தூரத்தில் உள்ள மருத்துவமனையில் ஆபரேஷன் பண்ணிக்கிட்டார் கிம்.. என்ன காரணம்?

Updated: Thursday, April 23, 2020, 17:07 [IST]

Subscribe to Oneindia Tamil

பியாங்கியாங்: வடகொரிய அதிபர் கிம் ஜாங் உன், தலைநகர் பியாங்கியாங்கில் உள்ள மருத்துவமனையில் இதய அறுவை சிகிச்சை செய்து கொள்ளாமல் தொலைதூரத்தில் உள்ள ஹுயாங் சான் மருத்துவமனையை தேர்வு செய்தது ஏன் என்பது குறித்த பல்வேறு தகவல்கள் கிடைத்துள்ளன.

குடும்பம்

ஹுயாங் சான் மருத்துவமனை கிம் குடும்பத்திற்காகவே ஸ்பெஷலாக வடிவமைக்கப்பட்டுள்ளதாம். அதாவது கிம்மிற்கு கடந்த 2014-ஆம் ஆண்டு உடல்நிலை பாதிக்கப்பட்டவுடன் இந்த மருத்துவமனையில் நிறைய மாற்றம் செய்யப்பட்டதாக கூறப்படுகிறது. இது கடந்த 1994-ஆம் ஆண்டு தோற்றுவிக்கப்பட்டது. அதாவது கிம்மின் தாத்தா கிம் சங் இறப்பிற்கு பிறகு தொடங்கப்பட்டது.

வில்லா

இந்த மருத்துவமனை தொடங்கப்பட்டதற்கான பின்னணி என்னவெனில், கிம்மின் தாத்தாவுக்கு 1994 ஆம் ஆண்டு உடல்நிலை பாதிக்கப்பட்டு ஹுயாங் சான் வில்லாவில் தங்கியிருந்தார். அப்போது அங்கு கடும் மழை பெய்ததால் ஹெலிகாப்டர் மூலம் அவரை மருத்துவமனைக்கு கொண்டு செல்ல முடியவில்லை. இதையடுத்து அவர் மாரடைப்பு ஏற்பட்டு இறந்துவிட்டார்.

புவியியல் அமைப்புகள்

அப்போதுதான் ஹுயான் சாங்கில் ஒரு மருத்துவமனை இருந்திருந்தால் தனது அப்பாவை காப்பாற்றியிருக்கலாமே என கிம்மின் அப்பா கவலைப்பட்டார். இதையடுத்து அவரது உத்தரவின் பேரில் உருவானதுதான் தற்போதைய ஹுயான் சாங் இதய மருத்துவமனையாகும். இந்த மருத்துவமனையை அமைப்பதற்கு புவியியல் அமைப்புகளும் முக்கியமானவையாக கருதப்படுகின்றன.

பாதுகாப்பு

பியாங்கியாங்கில் மருத்துவமனை அமைத்தால் அனைவரது கவனத்தையும் ஈர்க்கும். இதே தொலைதூரத்தில் மருத்துவமனையை ஏற்படுத்தினால் தனியுரிமை காக்கப்படும். வெளியுலக பார்வையிலிருந்தும் மறைந்து காணப்படும். மருத்துவமனையின் இருப்பிடம் சிறப்பு வாய்ந்தது. ஏனெனில் பியாங்யாங்கிற்கு அருகில் ஹுயாங் சான் இருப்பதால் அங்கு அனுமதி என்பதை தடை செய்யப்பட்டுள்ளது. இது மிகவும் முக்கியமானது.

விபரீதம்

வடகொரியாவை ஆளும் தலைவருக்கு ஏதேனும் விபரீதம் நேர்ந்தாலும் மக்களிடையே அமைதியின்மையை ஏற்படுத்தக் கூடும். இந்த மருத்துவமனை குறிப்பாக இதய நோய்க்கான சிறப்பு வசதிகளை கொண்டுள்ளது. ஜப்பான், ஜெர்மனியில் இருந்து சிறந்த உபகரணங்கள் வரவழைக்கப்பட்டுள்ளன. மருத்துவமனையில் உள்ள மருத்துவர்களும் நிபுணத்துவம் வாய்ந்தவர்கள். அவர்கள் ஹுயான் சானில் வசித்து வந்தாலும் அவர்களது அடையாள அட்டையில் அவர்கள் பியாங்கியாங்கி ஜங் மாவட்டத்தில் குடியிருப்பவர்களாகவே குறிப்பிடப்பட்டுள்ளது.

கார்டியோ

கிம்மிற்கு இதய அறுவை சிகிச்சை செய்த மருத்துவர் கிமி மான் யோ மருத்துவமனையை சேர்ந்தவராவர். வடகொரியால் இந்த மருத்துவமனை இதய பிரச்சினைகளை சிறப்பாக கையாள்கிறது. கிம் மான் யோ மருத்துவமனையில் கார்டியோ வாஸ்குலர் துறையில் பணியாற்றும் மருத்துவர்கள் ஓராண்டிற்கு பிறகு ஜெர்மனியில் பயிற்சி பெறுகிறார்கள். அது போல் கிம்மிற்கு சிகிச்சை அளித்த அனைத்து மருத்துவர்களும் கார்டியோ வாஸ்குலர் துறையில் நிபுணத்துவம் வாய்ந்தவர்கள் என அந்த நாளிதழ் கூறுகிறது.