ரஷ்யாவில் நர்ஸை கண்ட இடத்தில் தொட்ட நோயாளியை கொன்ற டாக்டர்: வீடியோ இதோ

மாஸ்கோ: ரஷ்யாவில் நர்ஸை கண்ட இடத்தில் தொட்ட நோயாளி ஒருவரை டாக்டர் அடித்துக் கொலை செய்துள்ள வீடியோ சமூக வலைதளங்களில் தீயாக பரவியுள்ளது.

ரஷ்யாவில் ஆண் ஒருவர் உடல் நலக்குறைவு காரணமாக மருத்துவமனைக்கு சென்றுள்ளார். மருத்துவமனையில் அவர் நர்ஸ் ஒருவரை கண்ட இடத்தில் தொட்டு சில்மிஷம் செய்துள்ளார்.

இதையடுத்து அந்த நர்ஸ் நேராக டாக்டர் ஒருவரிடம் சென்று அந்த நோயாளி செய்தது குறித்து புகார் தெரிவித்தார். இதனால் ஆத்திரம் அடைந்த டாக்டர் நோயாளி இருக்கும் அறைக்கு வந்து அவரை அடித்தார்.

இதை பார்த்து நோயாளியுடன் வந்த நபர் டாக்டரை தடுக்க முயன்றார். ஆனால் டாக்டரோ அந்த நபரையும் தாக்கி கீழே தள்ளினார். பின்னர் டாக்டர் அந்த நோயாளியை ஓங்கி தலையில் அடித்ததில் அவர் கீழே விழுந்து பலியானார்.

உயிரை காப்பாற்ற வேண்டிய டாக்டர் ஒருவர் கொலவெறியுடன் நோயாளியை தாக்கி கொலை செய்துள்ளது பலரையும் அதிர்ச்சி அடைய வைத்துள்ளது. இந்த வீடியோ சமூக வலைதளங்களில் தீயாக பரவியுள்ளது.

English summary

Video of a doctor killing patient for touching a nurse inappropriately has gone viral and shocked the people.